13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Թուրքական «Anka» անօդաչու թռչող սարքերը Ղազախստան կմատակարարվեն մինչև տարեվերջ
Քաղաքականություն
21.07.2022 | 11:33
Ղազախստանի հակաօդային պաշտպանության ուժերը ծրագրում են անօդաչու թռչող սարքերի շարքերը համալրել թուրքական տեխնիկայով, հայտնում է Kazinform-ը, որին վկայակոչում են թուրքական լրատվամիջոցները։
«Այս տարի նախատեսվում է մատակարարել թուրքական հետախուզա-հարվածային ապարատ «Anka» անօդաչու թռչող սարքը։ Ընդհանուր առմամբ, երկրի զինված ուժերն ունեն տարբեր նշանակության անօդաչուներ։ Մասնավորապես, մենք օգտագործում ենք իսրայելական Skylark-1-ը և չինական Wing Loong-ը»,- հայտնել են Ղազախստանի պաշտպանության նախարարությունից։
«Ակտիվ անօդաչու թռչող սարքերի ճշգրիտ թվաքանակի մասին տեղեկատվությունը սահմանափակ տարածման տեղեկատվություն է»,- հայտնել են ՊՆ-ից։
Հայտնի է, որ Ղազախստանն ու Թուրքիան նախատեսում են համագործակցել նաև կադրերի պատրաստման և ռազմագիտության ոլորտում։
Էմմա Չոբանյան
