22.04.2026 | 16:00
ՀՀ դպրոցականները մեդալներ են նվաճել ինֆորմատիկայի միջազգային օլիմպիադայում
Էրդողանը հայտարարել է, որ Թուրքիան ակնկալում է ՌԴ-ի ու Իրանի աջակցությունը Սիրայում ռազմական գործողության իրականացման հարցում
Քաղաքականություն
21.07.2022 | 10:51
Թուրքիայի նախագահ Ռեջեփ Թայիփ Էրդողանը Թեհրանից վերադառնալիս լրագրողների հետ զրույցում անդրադարձել է Սիրիայում նոր ռազմական գործողության իրականացմանը, գրում է Անադոլու գործակալությունը։
Նա նշել է, որ ԱՄՆ-ն պետք է հեռանա Եփրատ գետից արևելք գտնվող սիրիական շրջաններից ու հավելել, որ հենց Միացյալ նահանգներն է այնտեղ «սնում ահաբեկիչներին»։
Էրդողանը պնդել է, որ Սիրիայի հյուսիսում նոր «հակաահաբեկչական գործողության» անցկացման հարցը կմնա Անկարայի օրակարգում այնքան ժամանակ, քանի դեռ կպահպանվի Թուրքիայի ազգային անվտանգության սպառնալիքը։
«Անկարային չեն խաբի Սիրիայի հյուսիսում Բաշար ալ-Ասադի ռեժիմի դրոշների ծածանման միջոցով թուրքական բանակին մոլորեցնելու ահաբեկիչների փորձերը։ Այդ հնարքները չեն աշխատի»,- ասել է Էրդողանը։
Նա հավելել է, որ Անկարան ակնակում է ՌԴ-ի ու Իրանի աջակցությունը Թուրքիայի սահմանից 30 կմ հեռավորությամբ Սիրիայի տարածքում «հակահաբեկչական գործողություն» իրականացնելու համար։
Պատասխանելով լրագրողի հարցին,՝ ո՞ր երկրի՝ Իրանի՞, թե՞ Ռուսաստանի դիրքորոշումն է Սիրիայի հարցում ավելի մոտ Թուրքիայի մոտեցմանը, Էրդողանն ասել է․
«Աստանայի գործընթացի վերաբերյալ Պուտինի դիրքորոշումը նույնն է, ինչ Աստանայի գործընթացի սկզբում էր։ Ինչ վերաբերում է Թեհրանին, ապա նախագահի փոփոխության ֆոնին որոշակի փոփոխություններ են տեղի ունենում, սակայն Իրանի նման երկիրը այդքան կարճ ժամանակում չի փոխում իր վերաբերմունքը հարցերի նկատմամբ»։
Էմմա Չոբանյան
