08.06.2026 | 14:07
ԲՀԿ-ն դիմելու է վերահաշվարկի և չի բացառում ընտրությունների արդյունքների բողոքարկումը
Թող գումար չտա՛ն՝ տո՛ւն տան․ քաշաթաղցիների բողոքի ակցիան կառավարության շենքի դիմաց․ ՏԵՍԱՆՅՈՒԹ
Քաղաքականություն
19.07.2022 | 19:15
Արցախյան 44-օրյա պատերազմը սկսվել, բայց չի ավարտվում տեղահանված քաշաթաղցիների համար։ Գլխավերևում տանիք ունենալու համար այս մարդիկ կռիվ են տալիս արդեն 1 ու կես տարի։
Կառավարության շենքի դիմաց հավաքված այս քաղաքացիները տարիներ առաջ են Հայաստանից Քաշաթաղի շրջանում վերաբնակեցվել։ Տեղահանությունից հետո գործադիրը նրանց մինչև 10 մլն դրամի սահմաններում հավաստագրեր է տրամադրում, որպեսզի Հայաստանում բնակարան գնեն, բայց չեն կարողանում․ պատճառները տարբեր են։
7 երեխաների հայր Հարություն Թադևոսյանը ծնունդով Արմավիրի մարզից է, 2007 թ-ին տեղափոխվել է Քաշաթաղի շրջան, գյուղ Գանձարան, 2 տուն ու տնտեսություն է թողել այնտեղ, հիմա վաձով է բնակվում։
Այստեղ հավաքվածները բազմանդամ ընտանիքներ ունեն։ Ասում են՝ բնակարանների գները բարձրացել են, տուն չեն կարողանում գտնել։
Քաշաթաղում թողել են տուն-տեղ ու դուրս եկել, անգամ հագուստ չեն հասցրել վերցնել։ Այստեղ հավաքվածներից շատերն արդեն հավաստագրեր ստացել են, բայց տուն գնող դեռ չկա։ Կան նաև այնպիսիք, որ տուն գտել են 10 մլն դրամի սահմաններում, վարկով կամ ավտոմեքենայի գրավով գումար են վերցրել, բայց գործարքի համար կանխավճար տալուց հետո մեկ այլ խնդրի են բախվել՝ կորցնելով նաև այդ գումարները։ Կառավարությունից քաշաթաղցիներին առաջարկել են իրենց բողոքը գրավոր ներկայացնել, իսկ աշխատանքի և սոցիալական հարցերի նախարարությունից այսօր մեզ պարզաբանում ստանալ չհաջողվեց։
Մանրամասները՝ տեսանյութում։
