Պենտագոնը նախատեսում է արբանյակներ արձակել հիպերձայնային հրթիռներին հետևելու համար

ԱՄՆ պաշտպանության նախարարությունը հայտարարել է հիպերձայնային հրթիռների արձակումը վերահսկելու համար 28 արբանյակ արձակելու մտադրության մասին: Պենտագոնի մաս կազմող Տիեզերական համակարգերի զարգացման վարչությունը (SDA) հայտարարել է, որ տիեզերական համակարգերը  նախատեսված է ուղեծիր դուրս բերել 2025 թվականի ապրիլից, դրանց ստեղծման վրա կարող է ծախսվել ավելի քան 1,3 միլիարդ դոլար:

Դեպարտամենտի ղեկավար Դերեկ Թերները հայտարարել է Ֆլորիդայի L3Harris Technologies-ի և Northrop Grumman Strategic Space Systems-ի հետ երկու պայմանագրերի կնքման մասին:

Դրանցից առաջինը կարտադրի 14 արբանյակ՝ մոտ 700 մլն դոլար ընդհանուր արժողությամբ, երկրորդը՝ մոտ 617 մլն դոլար արժողությամբ ևս 14 սարքավորում։ Հաշվի առնելով արբանյակների արձակումը, ինչպես նաև ցամաքային կառավարումն ու աջակցությունը՝ ծրագրի վրա կծախսվի մոտ 2,5 միլիարդ դոլար։

Արբանյակների մի մասը կգտնվի Երկրից մոտ 1000 կմ հեռավորության վրա՝ ցածր ուղեծրում, մյուսները՝ միջին ուղեծրում՝ մոտ 10-20 հազար կմ բարձրության վրա։ Արբանյակները կփոխարինվեն մոտավորապես հինգ տարի հետո, իսկ առաջին 28 արբանյակներին հավանաբար կհաջորդի 54 արբանյակներից բաղկացած երկրորդ խմբի արձակումը:

Թերների խոսքով՝ այս ծրագիրը կապված է Ռուսաստանի Դաշնության և Չինաստանի կողմից աճող սպառնալիքներին դիմակայելու անհրաժեշտության հետ։ Երկու երկրներն էլ զգալի հաջողություններ են գրանցել հիպերձայնային հրթիռների մշակման գործում։

Տաթև Ֆռանգյան