19.08.2026 | 20:54
Վարորդական չեք ստանա, եթե ավտոդպրոց չգնաք․ ՆԳՆ-ն մտադիր է նոր կանոններ սահմանել. ՏԵՍԱՆՅՈՒԹ
Լատվիան 2023 թվականից արգելում է գազի ներկրումը Ռուսաստանից
Քաղաքականություն
15.07.2022 | 14:23
Հինգշաբթի՝ հուլիսի 14-ին, Լատվիայի Սեյմը վերջնական ընթերցմամբ ընդունել է էներգետիկայի մասին օրենքում փոփոխությունները, որոնց համաձայն՝ 2023 թվականի հունվարի 1-ից արգելվելու է Ռուսաստանից բնական գազի մատակարարումը հանրապետություն։ Այս մասին հաղորդվում է Լատվիայի խորհրդարանի կայքում տեղադրված մամուլի հաղորդագրության մեջ, գրում է DW-ի ռուսական ծառայությունը։
Փաստաթուղթը նախատեսում է երկրում գազի ռազմավարական պաշարների ստեղծում։ Դրանք պետք է կուտակվեն Inčukalns ստորգետնյա գազապահեստարաններում, որպեսզի ապահովեն սպառումը նույն տարվա հոկտեմբերի 1-ից մինչև հաջորդ տարվա ապրիլի 30-ը։ Ուշագրավ է, որ, օրինակ, 2021 թվականին Լատվիայի կողմից գնված գազի մոտավորապես 90 տոկոսը ստացվել է Ռուսաստանից։
Լատվիայի կառավարությունը նախաձեռնել է ռուսական գազի մատակարարման փուլային դադարեցում` ի պատասխան Ռուսաստանի կողմից Ուկրաինա ներխուժման:
Տաթև Ֆռանգյան
