16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
ԱՄՆ-ն և Իսրայելը մտադիր են նոր լազերային զենք մշակել
Քաղաքականություն
14.07.2022 | 17:59
Սպիտակ տունը հաղորդում է, որ ԱՄՆ-ն և Իսրայելը ստորագրել են ռազմավարական գործընկերության մասին հռչակագիր, գրում է Կոմերսանտը։ Վաշինգտոնը խոստացել է «օգտագործել իշխանությունների տրամադրության տակ գտնվող բոլոր ուժերն ու միջոցները»՝ Իրանի կողմից միջուկային զենքի մշակումը կանխելու համար։ «ԱՄՆ-ն վերահաստատում է իր հանձնառությունը գործընկերների հետ աշխատելու՝ հակազդելու Իրանի ագրեսիային և ապակայունացնող գործողություններին, անկախ այն բանից, դա իրականացվում է ուղղակիորեն, թե վստահված անձանց և ահաբեկչական կազմակերպությունների միջոցով»,-ասվում է Սպիտակ տան հայտարարության մեջ։ Համաձայնագրի շրջանակներում կողմերը նաև պատրաստվում են մշակել լազերային զենք, որն ըստ նրանց՝ կբարձրացնի Իսրայելի անվտանգությունը։
Ավելի ուշ ԱՄՆ նախագահ Ջո Բայդենի հետ բանակցություններից հետո կայացած մամուլի ասուլիսում Յաիր Լապիդն ասել է, որ «ազատ աշխարհը ուժ կկիրառի, եթե Իրանը շարունակի աշխատել իր միջուկային ծրագրի վրա»։
Հավելենք, որ Ջո Բայդենն այցելել է Երուսաղեմ. նախատեսված են նաև ԱՄՆ նախագահի այցերը Պաղեստին ու Սաուդյան Արաբիա։
Էմմա Չոբանյան
