09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ՌԴ ԱԳՆ-ն հայտարարել է, որ Կրեմլը մտադիր չէ դադարեցնել պատերազմը
Քաղաքականություն
14.07.2022 | 16:34
Ռուսաստանը մտադիր է Ուկրաինայի դեմ պատերազմը շարունակել մինչեւ «իր նպատակների իրականացումը»։
Այս մասին հինգշաբթի՝ հուլիսի 14-ին, ճեպազրույցում հայտարարել է ՌԴ արտաքին գործերի նախարարության ներկայացուցիչ Մարիա Զախարովան, փոխանցում է Գլավրեդը։ Զախարովայի խոսքով ՝ ԱՄՆ-ին և Կիևի մյուս դաշնակիցներին չի հաջողվի ավելացնել Ուկրաինայի մարտունակությունը։
«Որքան էլ Ամերիկայի Միացյալ Նահանգները և նրա դաշնակիցները փորձեն բարելավել Կիևի ռեժիմի մարտունակությունը, ինչպես բազմիցս հայտարարել է Ռուսաստանի ղեկավարությունը, Ռուսաստանի կողմից իրականացվող «հատուկ ռազմական գործողությունը» կշարունակվի, և բոլոր նպատակներն ու խնդիրները , որոնք դրված են երկրի ղեկավարության կողմից, կկատարվեն»,- հայտարարել է պաշտոնյան։
ՌԴ ԱԳՆ ներկայացուցիչը չի հստակեցրել, թե կոնկրետ ինչ նպատակների մասին է խոսքը․ Մոսկվայի ռեժիմն արդեն մեկ անգամ չէ, որ արմատապես փոխել է դրանք ուկրաինական պատերազմի ողջ ընթացքում։
Տաթև Ֆռանգյան
