06.11.2024 | 17:27
Իլոն Մասկը հայտարարել է ԱՄՆ կառավարման համակարգը փոխելու պատրաստակամության մասին
ԱՄՆ-ի կողմից Թուրքիային F-16-երի վաճառքն արգելող փոփոխությունն այսօր կդրվի քվեարկության
Քաղաքականություն
14.07.2022 | 17:03
ԱՄՆ կնոգրեսում կնոգրեսական Ֆրենք Փալոն կրտսերն աջակցել է կոնգրեսականներ Քրիս Պապասի ու Գաս Բիլիրակիսի առաջարկած լրացումներին, որոնք պայմաններ են սահմանում ԱՄՆ-ի կողմից Թուրքիային F-16 վաճառելու համար: Այս մասին հայտնում է Հայ դատի ԱՄՆ հանձնախումբը։
ԱՄՆ Ներկայացուցիչների պալատը պետք է քվեարկի «Պապաս/Բիլիրակիս/Փալոն» (թիվ 399) փոփոխությանը այսօր Ազգային պաշտպանության լիազորման ակտի ժամանակ (NDAA-H.R.7900):
Հիշեցնենք, որ ԱՄՆ Ներկայացուցիչների պալատի կանոնակարգի հանձնաժողովը քվեարկել է դեմոկրատ Քրիս Պապպասի փոփոխության օգտին Ազգային անվտանգության հատկացումների ակտում կամ NDAA-ում 2023թ․ ֆինանսական տարվա համար, որը արգելում է F-16-ների կամ արդիականացման սարքավորումների վաճառքը Թուրքիային որոշակի պայմանների չկատարման դեպքում։
Փոփոխությունը պահանջում է նաև ԱՄՆ նախագահից հաստատել, որ «նման փոխանցումը բխում է Միացյալ Նահանգների ազգային շահերից» և պահանջում է «կոնկրետ քայլեր ձեռնարկել՝ ապահովելու համար, որ նման F-16-ները Թուրքիայի կողմից չօգտագործվեն Հունաստանի տարածքով չթույլատրված թռիչքների համար»։
Տաթև Ֆռանգյան
