08.06.2026 | 16:58
Շվեդիայի վարչապետը շնորհավորել է Նիկոլ Փաշինյանին ՔՊ-ի հաղթանակի առիթով
Տաթև-Աղվանի ճանապարհին լուրջ խնդիրներ են ստեղծվում հատկապես փոքր մեքենաների համար. մարզպետ․ ՏԵՍԱՆՅՈՒԹ
Տնտեսություն
14.07.2022 | 13:18
«Աշխատանքներ իրականացվում են, բայց ցանկալի էր ավելի մեծ տեմպ հաղորդել, որովհետև հատկապես փոքր մեքենաների համար լուրջ խնդիրներ են ստեղծվում ամբողջ ճանապարհահատվածի երկայնքով, մասնավորապես, Տաթևից Քաշունի ընկած հատվածն ամենավատ վիճակում է: Ցանկալի կլիներ տեմպն ավելացնել, որովհետև այդտեղ բավականին շատ մեքենաներ են վնասվում: Բայց վերանորոգման աշխատանքներն իրականացվում են»,- Կառավարության նիստի ընթացքում այս մասին նշեց Սյունիքի մարզպետ Ռոբերտ Ղուկասյանը՝ տեղեկություն հաղորդելով Տաթև-Աղվանի ճանապարհի վիճակի մասին:
Վարչապետ Նիկոլ Փաշինյանն հայտնեց, որ փոխվարչապետին և ՏԿԵ նախարարին հանձնարարականներ է տվել:
«Կարևոր է արձանագրել նաև՝ երեկ ինձ տեղեկացրին, որ Տաթև-Լծեն ճանապարհահատվածի ասֆալտապատման աշխատանքները սկսվել են: Տաթևի ոլորանները շրջանցող ճանապարհ է, որը Սիսիանի մոտակայքում Տաթևից պետք է դուրս գա մայրուղի»,- նշեց վարչապետը:
