06.11.2024 | 19:06
Վարչապետի որոշմամբ Արմեն Հայրապետյանն ազատվել է ՍԱՏՄ ղեկավարի պաշոտնից
Իրանական ԱԹՍ-ների մատակարարումների թեման Պուտինի՝ Թեհրան այցի ընթացքում չի քննարկվելու․ Պեսկով
Քաղաքականություն
13.07.2022 | 18:16
ՌԴ նախագահ Վլադիմիր Պուտինի՝ Իրան այցի ընթացքում իրանական անօդաչուների Ռուսաստան մատակարարման թեման չի քննարկվելու։ Այս մասին լրագրողների հետ զրույցում հայտնել է ՌԴ նախագահի մամուլի խոսնակ Դմիտրի Պեսկովը, գրում է Ինտերֆաքսը։
«Ոչ»,- հակիրճ ասել է Պեսկովը՝ պատասխանելով լրագրողնի հարցին։ Նրան նաև հարցրել են՝ արդյոք Կրեմլում տեղյակ են, թե ինչպիսին է իրավիճակը անօդաչուների մատակարարման հետ կապված»։ «Այդ հարցում մենք որևէ մեկնաբանություն չունենք»,-ասել է Պեսկովը։
Հիշեցնենք, որ ԱՄՆ նախագահի ազգային անվտանգության հարցերով խորհրդական Ջեյք Սալիվանը հայտարարել էր, թե Իրանը պատրաստվում է անօդաչու թռչող սարքեր տրամադրել Ռուսաստանին։
Հավելենք, որ Պուտինը հուլիսի 19-ին մեկնելու է Թեհրան՝ մասնակցելու Իրանի նախագահ Իբրահիմ Ռաիսիի և Թուրքիայի նախագահ Թայիփ Էրդողանի հետ եռակողմ գագաթնաժողովին։
Էմմա Չոբանյան
