Թուրքիան նպաստում է Սիրիայում հանցագործությունների աճին. իրավապաշտպան կազմակերպություն

Մադրիդում տեղի ունեցած ՆԱՏՕ-ի գագաթնաժողովից հետո թուրք զինվորականները և վարձկանները Սիրիայի հյուսիսում ու արևելքում  նպաստել են հանցավորության աճին։ Այս մասին հայտնում է Աֆրին իրավապաշտպանպան կազմակերպությունը, գրում է Ահվալ գործակալությունը։

Ըստ աղբյուրի՝ նրանք սպանում, առևանգում, տեղահանում են մարդկանց իրենց տներից ու սպառնում ռազմական գործողություն սկսել Ռիֆաթ ու Մանբիջ քաղաքներում։ Նրանք նաև թիրախավորում են խաղաղ բնակիչներին անօդաչու սարքերով, հրետանիով և հրթիռներով։

Կազմակերպության խոսնակ Իբրահիմ  Շեյխոն ասել է, որ Թուրքիայի գլխավորած ուժերը չեն բավարարվելու Աֆրինի, Սերեքանիեի և Գիրե Սպիի շրջանների գրավմամբ, այլ ձգտում են ավելի շատ տարածքներ գրավել։

«Երբ խոսքը վերաբերում է քրդերին և տարածաշրջանի այլ ժողովուրդներին, ապա տարածաշրջանը սպառնալիք է դառնում թուրքական պետության համար, սակայն, ինչպես վկայում են օկուպացված տարածքներում ԻԼԻՊ-ի առաջին կարգի տարրերի և առաջնորդների, վարձկանների և խմբավորումների առկայությունը, որոնք  դասակարգված են համաշխարհային «ահաբեկչական ցուցակում», տարածաշրջանը դառնում է անվտանգ Թուրքիայի նախագահ Էրդողանի համար»,-ասել է Շեյխոն։

Նա հայտարարել է, թե այս ամենը վկայում է, որ Թուրքիան  ՆԱՏՕ-ի գագաթնաժողովին կանաչ լույս է ստացել  քրդերին ոչնչացնելու։

«Միջազգային կազմակերպությունները և երկրները չպետք է «թույլ տան Թուրքիային ագրեսիա սկսել Սիրիայի հյուսիսում և արևելքում, որևէ անվան տակ, նույնիսկ եթե դա մարդասիրական է։ Նրանք նաև պետք է կանգնեցնեն հանցագործություններն ու բռնությունները Սիրիայի՝ Թուրքիայի կողմից օկուպացված տարածքներում»-ասել է Շեյխոն։

Հավելենք, որ Թուրքիայի պաշտպանության նախարար Հուլուսի Աքարը օրերս հայտարարել էր, որ Սիրիայի հյուսիսում «ահաբեկիչների» դեմ ռազմական գործողությունների հետաձգումը կամ չեղարկումը բացառվում է։ Բացի այդ ՝ Աքարը նաև հերքել էր, թե Մադրիդում կայացած ՆԱՏՕ-ի գագաթնաժողովում Արևմտյան դաշնակիցները Թուրքիային դիմել են՝ զերծ մնալ Սիրիայում ռազմական գործողություններից։

Էմմա Չոբանյան