20.11.2024 | 15:16
Էստոնիան հանձնառու է աջակցել Հայաստանին ԵՄ-ի հետ հարաբերությունների սերտացման հարցում․ դեսպանը՝ Ռուբինյանին
Հունաստանի տարածքային ամբողջականության նկատմամբ ցանկացած կասկած անընդունելի է․ Բեռլինի ուղերձն Անկարային
Քաղաքականություն
12.07.2022 | 23:03
Աթենքում Գերմանիայի դեսպան Էրնեստ Ռայխելը հայտարարել է, որ Թուրքիայի կողմից Հունաստանի տարածքային ամբողջականության և ինքնիշխանության նկատմամբ ցանկացած կասկած անընդունելի է, գրում է ekathimerini-ն։
Այս հայտարարությունը հնչում է այն բանից հետո, երբ Թուրքիայի «Ազգայնական շարժում» կուսակցության նախագահ Դևլեթ Բահչելին, որը նախագահ Ռեջեփ Թայիփ Էրդողանի կառավարության կոալիցիոն գործընկերն է, ցուցադրել էր քարտեզ, որում Հունաստանի կղզիները ներկայացված են որպես թուրքական։
«Գերմանիայի դիրքորոշումը պարզ է․Հունաստանի տարածքային ամբողջականության և ինքնիշխանության վերաբերյալ ցանկացած կասկած անընդունելի է»,-գրել է դեսպանը թվիթերյան իր էջում ՝ կիսվելով Հունաստանի վարչապետ Կիրակոս Միցոտակիսի գրառմամբ, որով նա պարզաբանման համար դիմել էր Թուրքիայի նախագահ Ռեջեփ Թայիփ Էրդողանին։
«Ուշադիր նայեք այս քարտեզին. Կրետե, Հռոդոս, Լեսբոս, Քիոս, Սամոս՝ բոլորը կլանված են Թուրքիայի կողմից: Ծայրահեղականների տենդագին երա՞զ, թե՞ Թուրքիայի պաշտոնական քաղաքականություն, հերթական սադրա՞նք, թե՞ իրական նպատակ։ Նախագահ Էրդողանը պետք է հստակեցնի իր դիրքորոշումը իր կրտսեր կոալիցիոն գործընկերոջ վերջին գործողությունների վերաբերյալ»,-գրել է Միցոտակիսը։
Էմմա Չոբանյան
