28.02.2026 | 12:19
ՔՊ-ականներն ավտոբուսով մեկնում են մարզեր. Փաշինյանը տեսանյութ է հրապարակել
Իրանը հարյուրավոր մարտական ԱԹՍ-ներ կմատակարարի Ռուսաստանին
Քաղաքականություն
12.07.2022 | 12:03
Իրանը ծրագրում է հարյուրավոր մարտական անօդաչու թռչող սարքեր (ԱԹՍ) մատակարարել Ռուսաստանին՝ Ուկրաինայի դեմ պատերազմում օգտագործելու համար։ BBC-ի ռուսական ծառայության փոխանցմամբ՝ այս մասին ճեպազրույցում ասել է ԱՄՆ ազգային անվտանգության հարցերով խորհրդական Ջեյք Սալիվանը։
Նրա խոսքով՝ սա հաստատում է այն տվյալները, որ ռուս զինվորականները կրած կորուստներից հետո դժվարությունների են բախվում զորքերին սպառազինությամբ ապահովելու հարցում։
«Իրանի կառավարությունը պատրաստվում է Ռուսաստանին հրատապ կարգով տրամադրել մինչև մի քանի հարյուր անօդաչու թռչող սարքեր, այդ թվում՝ զինամթերք կրելու ունակ սարքավորումներ։ Մեր ունեցած տեղեկատվությունը նաև հաստատում է, որ Իրանը պատրաստվում է ուսուցում կազմակերպել անօդաչու սարքերի օգտագործման ուղղությամբ», – լրագրողներին ասել է Սալիվանը։
Տաթև Ֆռանգյան
