22.04.2026 | 16:00
ՀՀ դպրոցականները մեդալներ են նվաճել ինֆորմատիկայի միջազգային օլիմպիադայում
Սոչիում ջրհեղեղը մեքենաները քշել է ծով․ ՏԵՍԱՆՅՈւԹ
Քաղաքականություն
11.07.2022 | 13:10
Սոչիում տագնապի ահազանգ է հնչել հերթական ջրհեղեղի պատճառով. բնակիչները հայտնել են, որ բակերն ու շենքերի մուտքերը ջրով են լցվել։ Այս մասին հայտնում է ռուսական НТВ հեռուստաալիքը։
Արևելյան Դագոմիս գետը հորդառատ անձրևների պատճառով դուրս է եկել ափերից ու հեղեղել բազմահարկ բնակելի շենքերի բակերը և քաղաքի թաղամասերից մեկի մուտքերը։ Ողջ քաղաքում հնչում են տագնապի ազդանշանները։ Ականատեսները պատմել են, որ Բաթումիի մայրուղում ջրի հոսքը մեքենաները քշում է ուղիղ ծովը։
Դագոմիս գյուղում մեկ ժամում 86 մմ տեղումներ են գրանցվել։
«Մեքենաները ջրի տակ են հայտնվել, մի քանի փողոցներում հեղեղվել են շենքերի առաջին հարկերը»,- գրում են ռուսական լրատվամիջոցները։
Տեղի բնակիչներն «ամբողջ գիշեր արթուն են մնացել՝ անհանգստանալով իրենց ունեցվածքի համար»։ Քաղաքացիները փորձում են փրկել նաև բակերում կայանված մեքենաները, որոնք հեղեղը քշել է ծով։ Տուժածների մասին առայժմ չի հաղորդվում։
Մանրամասները՝ տեսանյութում
Տաթև Ֆռանգյան
