05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
Նախագահ Խաչատուրյանը շնորհավորել է Արգենտինայի նախագահին
Քաղաքականություն
09.07.2022 | 17:15
Հանրապետության նախագահ Վահագն Խաչատուրյանը շնորհավորական ուղերձ է հղել Արգենտինայի Հանրապետության նախագահ Ալբերտո Ֆերնանդեսին Արգենտինայի Անկախության օրվա առթիվ, տեղեկացնում են նախագահի աշխատակազմից։
Նախագահի ուղերձում մասնավորապես ասվում է.
«Ջերմորեն շնորհավորում եմ Ձեզ և Արգենտինայի ժողովրդին Արգենտինայի Հանրապետության ազգային տոնի՝ Անկախության օրվա կապակցությամբ: Գոհունակությամբ պետք է փաստեմ, որ 30 տարվա ընթացքում Հայաստանի և Արգենտինայի միջև բարեկամական կապերը զարգացել և ամրապնդվել են՝ հիմնված փոխադարձ հարգանքի և վստահության վրա:
Հայ-արգենտինական համագործակցության սերտացմանը զգալիորեն նպաստում է նաև տեղի հայ համայնքը, որն ամենախոշոր համայնքներից մեկն է Լատինական Ամերիկայում:
Լիահույս եմ, որ համատեղ ջանքերով կշարունակենք ընդլայնել միջպետական հարաբերությունները՝ երկկողմ օրակարգը համալրելով փոխադարձ հետաքրքրություն ներկայացնող և ապագային միտված նոր ծրագրերով:
Մաղթում եմ Ձեզ քաջառողջություն և հաջողություն, իսկ Արգենտինայի բարեկամ ժողովրդին` խաղաղություն և բարօրություն»:
