09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
2021 թվականին սովից տուժել է ավելի քան 800 միլիոն մարդ․ ՄԱԿ
Քաղաքականություն
08.07.2022 | 22:40
Միավորված ազգերի կազմակերպությունը նախազգուշացրել է, որ սովը վերջ տալու համաշխարհային ջանքերը ձախողվում են: Այս մասին գրում է «Ամերիկայի ձայն»-ը։
Այսպիսով, 2021 թվականին 828 միլիոն մարդ բավարար սնունդ չի ունեցել, ինչը 150 միլիոնով ավել է, քան 2019 թվականի ցուցանիշը՝ մինչև COVID-19 համաճարակը։
Պարենային անվտանգության և սննդի վիճակի մասին զեկույցը ՄԱԿ-ի հինգ գործակալությունների, այդ թվում Պարենի և գյուղատնտեսության կազմակերպության և Պարենի համաշխարհային ծրագրի համատեղ ջանքերի արդյունք է:
Նրանց տվյալները ցույց են տալիս, որ պարենային անապահովության և թերսնման հիմնական պատճառներն են հակամարտությունները, կլիմայի փոփոխությունը և տնտեսական ցնցումները՝ զուգորդված աճող անհավասարությունների հետ:
«Ուկրաինայում շարունակվող պատերազմը, ինչպես նաև այլ երկարատև հակամարտություններն ամբողջ աշխարհում, ավելի է խաթարում մատակարարման շղթաները և բարձրացնում սննդի, հացահատիկի, պարարտանյութի և էներգակիրների գները՝ հանգեցնելով դեֆիցիտի և պարենային ապրանքների գների բարձր գնաճի», – ճեպազրույցի ժամանակ ՄԱԿ-ի անդամներին է ասել Պարենի և գյուղատնտեսության կազմակերպության գլխավոր տնօրեն Քյու Դոնքյուն:
2021 թվականին մոտ 2,3 միլիարդ մարդուն հասանելի չի եղել սննդարար սնունդը։ Աֆրիկայում աճում է սովը, որտեղ տուժել է 278 միլիոն մարդ։
Ասիայում 425 միլիոն մարդ զգացել է ճգնաժամի ազդեցությունը, իսկ Լատինական Ամերիկայում և Կարիբյան ավազանում՝ 56,5 միլիոն մարդ:
