01.05.2026 | 13:38
ԱՄՆ դատախազները Թրամփի ուղղությամբ կրակոցներ արձակելու մեջ կասկածվողի նոր տեսանյութ են հրապարակել
Կանադան պատժամիջոցներ է սահմանել պատրիարք Կիրիլի, Մարիա Զախարովայի, ռուսական ԶԼՄ-ների նկատմամբ
Քաղաքականություն
08.07.2022 | 18:15
Կանադան նոր պատժամիջոցներ է սահմանել Ռուսաստանի 29 քաղաքացու, այդ թվում՝ Մոսկվայի և Համայն Ռուսիո պատրիարք Կիրիլի, ինչպես նաև ԱԳ և Ներքին գործերի նախարարությունների պաշտոնական ներկայացուցիչներ Մարիա Զախարովայի և Իրինա Վոլկի նկատմամբ, գրում է swissinfo-ն։
Կանադայի կառավարության հրապարակած փաստաթղթի համաձայն՝ պատժամիջոցների տակ են հայտնվել նաև ձեռնարկատեր Տիգրան Խուդավերդյանը, «Ռոսկոմնադզոր»-ի ղեկավար Յուրի Լիպովը։ Պատրիարք Կիրիլին ցուցակում իշխանություններն անվանել են աշխարհիկ անունով՝ Վլադիմիր Գունդյաև։
Պատժամիջոցների ցուցակում են նաև ՎԳՏՌԿ-ի տնօրեն Օլեգ Դոբրոդեևը, լրագրող Օլգա Սկաբեևան, գործարար Ալեքսանդր Լեբեդևը, լրագրող Արկադի Մամոնտովը, ռեժիսոր Տիգրան Քյոսայանը և այլք։ Մի շարք ռուսական ԶԼՄ-ներ ևս հայտնվել են սահմանափակումների տակ, մասնավորապես, ՎԳՏՌԿ-ն, «Առաջին ալիքը», ՆՏՎ-ն, ինչպես նաև ՏԱՍՍ-ը, «Գազպրոմ մեդիան», «Սպուտնիկն» ու RT-ն։
Էմմա Չոբանյան
