06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Եթե լավ շենք ունենանք, թանգարանի այցելուների թիվն էլ կմեծանա. Նունե Ավետիսյան․ ՏԵՍԱՆՅՈՒԹ
Հաղորդաշարեր
21.08.2022 | 19:02
«Պաշտոնյաները հաճախ չեն գալիս թանգարան. գուցե շատ զբաղված են։ Նրանք պաշտոնական հատուկ հյուրերին գերադասում են տանել, օրինակ, Փարաջանովի, Էրեբունու, Հայոց ցեղասպանության թանգարաններ. դրանց շենքերը լավն են: Եթե մենք էլ լավ շենք ունենանք, պաշտոնյաներն էլ, հյուրերն էլ ավելի հաճախ կայցելեն մեր թանգարան»,- Factor TV-ի հետ զրույցում ասում է Երևանի ժամանակակից արվեստի թանգարանի տնօրեն Նունե Ավետիսյանը:
Նրա խոսքով` չնայած թանգարանը քաղաքի կենտրոնում է, շատերը չգիտեն դրա տեղը, չկան ուղղորդող ցուցանակներ զբոսաշրջիկների համար: Թանգարանը հիմնադրման օրից շենքային պայմանների հետ կապված խնդիրներ ունի։
«Այն բնակելի շենքի տակ է, անընդհատ խնդիրներ են առաջանում բնակիչների հետ կապված. պատահել է, որ հենց այցելուների ներկայությամբ խողովակ է պայթել, ջուր է կաթացել թանգարան»,- ասում է տնօրենը։
Ժամանակակից արվեստի թանգարանի 3000 նմուշների ընդամենը 10 տոկոսն է ցուցադրվում. դրանց ցուցադրման համար տարածք է հարկավոր, որը թանգարանը չունի:
Նունե Ավետիսյանը հիշում է՝ թանգարանի հիմնադիր Հենրիկ Իգիթյանը մինչև կյանքի վերջին պահերը խոսում էր թանգարանի շենքի մասին. «Ասում էր` տվեք ինձ այս տարածքի տասնապատիկը, և ես այն կլցնեմ կտավներով: Մեր ժամանակակից նկարիչները պատրաստակամ են իրենց գործերը նվիրելու հարցում, պարզապես ցուցադրվելու հնարավորություն չունեն»:
Մանրամասները՝ տեսանյութում:
Աննա Բաբաջանյան
