19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Ղազախստանը դուրս է գալիս Արժույթի միջպետական կոմիտեի մասին ԱՊՀ 1995թ․ համաձայնագրից
Քաղաքականություն
08.07.2022 | 16:31
Ղազախստանի նախագահ Կասիմ-Ժոմարտ Տոկաևի հրամանագրով Ղազախստանը դուրս է գալիս Արժույթի միջպետական կոմիտեի մասին 1995 թվականի Անկախ Պետությունների Համագործակցության (ԱՊՀ) համաձայնագրից։ Այս մասին հայտնում է «Զոնա» ղազախական լրատվամիջոցը։
«Հաստատել 1995 թվականի մայիսի 26-ին Արժույթի միջպետական կոմիտեի ստեղծման մասին համաձայնագրի դադարեցման մասին արձանագրությունը»,- ասված է արդեն ուժի մեջ մտած հրամանագրում։
Նշվում է, որ կոմիտեն ստեղծվել է՝ նպաստելու արժութային վճարավարկային հարաբերությունների ոլորտում բազմակողմ համագործակցության կազմակերպմանը, բազմակողմ հաշվարկային և վարկային հարաբերությունների վրա ազդող արժութային օրենսդրության սերտացմանն ու կատարելագործմանը, դրամավարկային և համակարգման ձևերի և մեթոդների մշակմանը, ԱՊՀ անդամ պետությունների վճարային միության ստեղծման մասին համաձայնագրի մասնակից պետությունների արժութային քաղաքականությունը, ինչպես նաև արժութային վերահսկողության հարցերում համագործակցությունն ու համակարգված գործողությունների իրականացմանը։
Հիշեցնենք, որ Ղազախստանը մտադիր է նավթ տեղափոխել Եվրոպա՝ շրջանցելով Ռուսաստանը։
Ավելի վաղ հաղորդվել էր, որ Ռուսաստանի Դաշնությունը դադարեցրել է Ղազախստանից Եվրոպա նավթի տարանցումը։ Մասնավորապես, Կասպյան խողովակաշարային կոնսորցիումը մշտապես կանգնած է մարտահրավերների առաջ։ Սկզբում դրա աշխատանքը կանգնել է ծովային բեռնման համակարգերի խափանման պատճառով։ Այնուհետև հայտնաբերվել է Երկրորդ համաշխարհային պատերազմի ժամանակներից մնացած զինամթերք, իսկ հուլիսի 5-ին ռուսական դատարանը 30 օրով դադարեցրել է կոնսորցումի գործունեությունը նավթի արտահոսքի չեզոքացման ծրագրի շրջանակում՝ մի շարք փաստաթղթային խախտումների պատճառով:
Դատելով Ղազախստանի նախագահի հայտարարությունից՝ իշխանությունները ցանկանում են ավելի շատ նավթ մատակարարել Չինաստանին և ակտիվորեն օգտագործել տարանցումն Ադրբեջանի տարածքով՝ նավթը թուրքական Ջեյհան նավահանգիստ հասցնելու համար։
Տաթև Ֆռանգյան
