06.11.2024 | 17:19
Անցած տարիների ընթացքում Հայաստանի և ԱՄՆ-ի միջև հարաբերությունները գրանցել են աննախադեպ առաջընթաց․ Փաշինյանի ուղերձը՝ Թրամփին
Իսրայելն ու Թուրքիան 1951 թվականից ի վեր առաջին ավիացիոն համաձայնագիրն են ստորագրել
Քաղաքականություն
07.07.2022 | 19:32
Իսրայելն ու Թուրքիան կընդլայնեն երկկողմ ավիահաղորդակցությունը․ հուլիսի 7-ին, 1951 թվականից ի վեր առաջին անգամ, նոր ավիացիոն համաձայնագիր է ստորագրվել։ Այս մասին հայտնել է Իսրայելի Տրանսպորտի նախարարությունը, գրում է Reuters գործակալությունը։
«Ակնկալվում է, որ համաձայնագրի արդյունքում կվերսկսվեն իսրայելական ընկերությունների թռիչքները դեպի Թուրքիա տարբեր ուղղություններով, ինչպես նաև թուրքական ընկերությունների թռիչքները դեպի Իսրայել»,- ասվում է հայտարարության մեջ:
Այս գործարքը կնքվում է այն ժամանակ, երբ Թուրքիան և Իսրայելը աշխատում են վերականգնել դիվանագիտական հարաբերությունները, որոնք լարված են ավելի քան մեկ տասնամյակ: 2018 թվականին երկու կառավարություններն արտաքսել էին դեսպաններին, իսկ հիմա էլ ձգտում են վերականգնել դիվանագիտական ներկայացուցչությունները։
Այս շաբաթ ավելի վաղ Իսրայելի էկոնոմիկայի նախարար Օրնա Բարբիվայը հայտարարել էր, որ իր երկիրը կվերաբացնի տնտեսական և առևտրային գրասենյակը Թուրքիայում։
Էմմա Չոբանյան
