Արցախյան հակամարտությունը Թուրքիայի համար շղարշ էր՝ իրական խնդիրներից խուսափելու համար․ թուրքագետ. ՏԵՍԱՆՅՈՒԹ

«Արցախյան հակամարտությունը երկար ժամանակ Թուրքիայի կողմից օգտագործվել է որպես պատրվակ, որպես նախապայման հարաբերություններում առաջընթաց գրանցելու համար: Սա այսբերգի միայն երևացող մասն է, մինչդեռ Թուրքիան Հայաստանի հետ ունի շատ ավելի խոր գնացող պատմական քաղաքական խնդիրներ, և Արցախյան հակամարտությունը Թուրքիան երկար տարիներ կարողացավ օգտագործել որպես շղարշ՝ իրական խնդիրներից խուսափելու համար»,- «Հայ-թուրքական պայմանավորվածություններ. ի՞նչ կշահի Հայաստանը» թեմայով քննարկման ժամանակ այս տեսակետը հայտնեց թուրքագետ Վահրամ Տեր-Մաթևոսյանը:

«Չմոռանանք, որ Թուրքիային սահմանակից երկրներից միայն Հյաստանում է, որ որոշ շրջանակներ կասկածի տակ են դնում այդ սահմանի օրինականության հարցը և Մոսկվայի ու Կարսի պայանագրերի իրավահարաբերության հարցը: Սա չի կարող Թուրքիայում անուշադրության մատնվել, սրան գումարած Ցեղասպանության հարցը: Այս խնդիրները շարունակում են Թուրքիային մտահոգել, և Թուրքիան յուրաքանչյուր առիթ օգտագործում է, որպեսզի բուն խնդրից հեռու մնա:

Թուրքիան փոքր քայլերով Հայաստանին ներքաշելով պայմանավորվածությունների մեջ՝ Հայաստանին շատ ավելի դժվար իրավիճակում է դնելու, որովհետև եթե սահմանային անցակետերը այս կամ այն պատճառով փակվեն, ամբողջ պատասխանատվությունը բարդելու է Հայաստանի վրա՝ նրան ներկայացնելով որպես ապակառուցողական երկիր»,- նշեց թուրքագետը:

Մանրամասները՝ տեսանյութում: