ՀՀ-ի ներքաղաքական կյանքին Սփյուռքը չպիտի՛ խառնվի․ ՀՅԴ-ի «դեպի երկիրը» չիրականացավ․ Հրաչյա Քալսահակյան․ ՏԵՍԱՆՅՈՒԹ

Հայաստանում կա այսպիսի իրականություն, որ երբ խոսում ենք Հայաստան-Սփյուռք հարաբերությունների թեմայով, անմիջապես մեր մտքին գալիս են ՀՅԴ-ն, Ռազմակավար-ազատական կուսակցությունը, Սոցիալ-դեմոկրատ Հնչակյան կուսակցությունը, և ԱՄՆ-ում, Ֆրանսիայում, այլ գաղթօջախներում գործող հայկական կազմակերպությունները։ Եվ, ի դեպ, նրանք շատ հաճախ իրենց հերթին խոսում են ամբողջ Սփյուռքի անունից, որ օրինակ՝ Սփյուռքը պահանջում է, ասենք, Փաշինյանի հրաժարականը կամ Քոչարյանի բանտարկությունը։

Ի՞նչ է իրենից այսօր ներկայացնում Սփյուռքը և ո՞վ իրավունք ունի խոսել Սփյուռքի անունից։ Factor TV-ի հետ հարցազրույցում հասարակական գործիչ Հրաչյա Քալսահակյանը, որն արդեն 24 տարի բնակվում է Արաբական Միացյալ Էմիրություններում, նշում է, որ Սփյուռքի անունից շատերն իրավունք խոսել, սակայն կարևոր է, թե ինչ են խոսում։

«Իմ այս կարծիքը շատերն են կիսում, որ քանի դեռ Սփյուռքում ենք ապրում և ուզում ենք զբաղվել Հայաստանի հարցերով, պետք է գործենք քաղաքականությունից հեռու, ոչ թե որոշ դեպքերում խառնվելով, այլ լրիվ հեռու»,- ասում է նա։

Հրաչյա Քալսահակյանը Երևան է ժամանել՝ մասնակցելու արաբական աշխարհի հետ Հայաստանի հարաբերությունների թեմայով գիտաժողովին, և նկատել է, որ Հայաստանի քաղաքական իրականությունը լիովին տարբերվում է այն պատկերացումից, որ ինքն է կազմել՝ գտնվելով հազարավոր կիլոմետրեր հեռու․ «Որքան էլ ես հետևեմ ձեզ կամ ուրիշ լրատվամիջոցների, չեմ կարող ամբողջական պատկերացում կազմել, և նրբություններին տեղյակ չենք լինելու»։

Հարցազրույցն ամբողջությամբ՝ տեսանյութում։

Ռոբերտ Անանյան