07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
ՌԴ ԱԳՆ-ն հերքում է Թուրքիայում ուկրաինական հացահատիկով ռուսական նավի կալանավորման մասին տեղեկությունը
Քաղաքականություն
06.07.2022 | 16:43
Բեռնատար «Ժիբեկ Ժոլի» նավը Թուրքիայում չի կալանավորվել, թուրքական իշխանությունները ստուգման ստանդարտ ընթացակարգեր են իրականացնում։ Այս մասին հայտարարել է ՌԴ ԱԳՆ տեղեկատվության և մամուլի բաժնի փոխտնօրեն Ալեքսեյ Զայցևը, գրում է Ինտերֆաքսը։
«Մենք ուշադրություն ենք հրավիրում մի շարք ԶԼՄ-ում, իբր, թուրքական նավահանգստում «Ժիբեկ Ժոլի» նավի կալանման մասին, որը նավարկում է ռուսական դրոշի ներքո։ Այդ կապակցությամբ ցանկանում ենք հայտնել հետևյալը․ Թուրքիայում ՌԴ դեսպանատան տվյալներով՝ նավը ներկայում ստանդարտ ընթացակարգեր է անցնում, այդ թվում՝ ֆիտոսանիտարական հսկողություն։ Արդյունքներով թուրքական իշխանությունները որոշելու են նավահանգիստ թողնե՞լ, թե՞ ոչ։ Որևէ ձերբակալման կամ կալանման մասին խոսք չկա»,- ասել է Զայցևը։
Հավելենք, որ ավելի վաղ Անկարայում Ուկրաինայի դեսպանը հայտնել էր ուկրաինական հացահատիկ տեղափոխող ռուսական նավի կալանման մասին։ Թուրքական լրատվամիջոցները նշում են, որ այս պահին հետաքննություն է ընթանում։
Էմմա Չոբանյան
