20.11.2024 | 18:30
Կարինե Քոչարը՝ Ռուբեն Քոչարի մեղադրանքների մասին
Արտասահմանում սովորած և ՀՀ-ում զինծառայության անցած երիտասարդները կստանա՞ն բնակարան․ ՏԵՍԱՆՅՈՒԹ
Հասարակություն
06.07.2022 | 14:49
Հայաստանում ռազմաուսումնական հաստատությունն ավարտած և Պաշտպանության նախարարության համակարգում սպայական պաշտոնի նշանակված սպան Երևանում կստանա 3 սենյականոց բնակարան, այս հնարավորությունից կարող են օգտվել նաև իգական սեռի ներկայացուցիչները: «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին օրենքի նախագիծն ԱԺ արտահերթ նիստում ներկայացրեց ՀՀ պաշտպանության նախարար Սուրեն Պապիկյանը:
«Քաղաքացիական պայմանագիր» խմբակցության պատգամավոր Հակոբ Ասլանյանը հետաքրքրվեց, թե արդյոք արտասահմանում սովորած և ՀՀ-ում զինծառայության անցած երիտասարդները ևս կօգտվեն բնակարան ստանալու հնարավորությունից:
Սուրեն Պապիկյանը պատասխանեց. «Այո՛, եթե դա տեղի է ունեցել ՀՀ պատկան խողովակներով: Ինչու. որովհետև մենք ունենք գործընկեր երկրներ, որոնց ռազմական ուսումնական հաստատություններում մեր երիտասարդներն ուսանելու հնարավորություն ունեն: Եթե, օրինակ, խոսքը վերաբերում է Հունաստանում, Ռուսաստանում (կամ մեկ այլ երկրում, որի հետ ՀՀ-ն համագործակցում է) ուսանած երիտասարդներին, ապա բնակարան ստանալու այս հնարավորությունից կարող են օգտվել նաև նրանք: Կարգ կա, այդ երիտասարդները քննություններ են հանձնում և մեկնում են ուսանելու, ՀՀ-ն դրա համար վճարում է կամ օգտվում է արտոնյալ տեղերից… Իսկ եթե երիտասարդը ՀՀ-ից չի մեկնել, ապրել է որևէ երկրում և սովորել այնտեղի ռազմաուսումնական հաստատությունում, ապա այս նախգծի կարգավորումն իրեն չի վերաբերում»:
Մանրամասները՝ տեանյութում:
