09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ռուսաստանը չի մասնակցի Երևանում կայանալիք «Մանկական Եվրատեսիլ» երգի մրցույթին
Քաղաքականություն
05.07.2022 | 17:42
Ռուսաստանը չի մասնակցի Երևանում կայանալիք 2022 թվականի «Մանկական Եվրատեսիլ» երգի մրցույթին: Միջազգային մրցույթին մասնակցելու ազգային ընտրության հայտեր չեն ընդունվի։ Այս մասին ՏԱՍՍ-ին հայտնել են Իգոր Կրուտոյի ակադեմիայի մամուլի ծառայությունից, որը նախորդ տարիներին հանդես էր գալիս որպես ազգային ընտրության կազմակերպիչ։
«Իգոր Կրուտոյի ակադեմիան հայտարարում է Մանկական Եվրատեսիլի 20-րդ միջազգային երգի մրցույթի ազգային ընտրական փուլի հայտերի ընդունումը չեղյալ համարելու մասին»,- հայտնել են մամուլի ծառայությունից։
Ակադեմիան պարզաբանել է, որ որոշումն ընդունվել է Առաջին ալիքի, Համառուսաստանյան պետական հեռուստառադիոհեռարձակման ընկերության (ВГТРК) և Օստանկինո ռադիոկայանի՝ Եվրոպական հեռարձակողների միությունից (EBU) հեռացման պատճառով։
Կազմակերպությունների դուրս գալը կապված էր EBU-ի որոշման հետ։ Նրանք Ռուսաստանին հեռացրել են «Եվրատեսիլ 2022» մրցույթից։
«Մանկական Եվրատեսիլ»-ն այս տարի կանցկացվի Երևանում, քանի որ նախորդ տարի՝ «Մանկական Եվրատեսիլ 2021»-ում, 224 ձայնով հաղթել է Հայաստանը ներկայացնող երգչուհի Մալենան։
Տաթև Ֆռանգյան
