15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Պատժամիջոցները Պուտինին կստիպեն ընտրել՝ նավթ կամ զենք. Բորել
Քաղաքականություն
05.07.2022 | 15:45
ԵՄ արտաքին գործերի և անվտանգության քաղաքականության հարցերով հանձնակատար Ժոզեպ Բորելը հոդված է հրապարակել՝ ներկայացնելով Ռուսաստանի դեմ պատժամիջոցների արդյունավետությունը և հավանականությունը, որ դրանք կկարողանան դադարեցնել պատերազմն Ուկրաինայում։
Եվրամիությունը պատժամիջոցների վեց փաթեթ է ընդունել, որոնք կոչված են պատժել Ռուսաստանին՝ Ուկրաինա ներխուժելով միջազգային իրավունքը խախտելու համար։
Ըստ Բորելի՝ պատժամիջոցներն աստիճանաբար ազատում են Եվրոպան կախվածությունից, որը վաղուց խոչընդոտում էր նրա քաղաքական ընտրություններին՝ Վլադիմիր Պուտինի ագրեսիվության դիմաց:
Նա հիշեցրել է, որ մինչև 2022 թվականի վերջը ԵՄ-ն մտադիր է 90%-ով կրճատել ռուսական նավթի ներկրումը։
«Իհարկե, ռուսական էներգետիկ արդյունաբերությունից նման արագ հեռացումը լուրջ դժվարություններ է ստեղծում նաև ԵՄ շատ երկրների և տնտեսության որոշ ոլորտների համար։ Բայց սա այն գինն է, որը մենք պետք է վճարենք մեր ժողովրդավարությունը և միջազգային իրավունքը պաշտպանելու համար, և մենք անհրաժեշտ քայլեր ենք ձեռնարկում այս խնդիրների լուծման համար լիակատար համերաշխությամբ»,- գրել է Բորելը՝ հավելելով, որ պատժամիջոցները Պուտինին կստիպեն ընտրել՝ նավթ կամ զենք։
Տաթև Ֆռանգյան
