16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Ուկրաինայի վարչապետը հայտնել է, որ երկրի վերականգնման ծրագիրը գնահատվում է 750 մլրդ դոլար
Քաղաքականություն
04.07.2022 | 19:58
Ուկրաիայի վերականգնման ծրագիրը գնահատվում է 750 մլրդ դոլար։ Այս մասին հայտարարել է Ուկրաինայի վարչապետ Դենիս Շմիգալը Լուգանոյում համաժողովի ժամանակ, գրում է Unn-ը։
«Ո՞վ պետք է վճարի Վերականգնման ծրագրի համար, որը հիմա գնահատվում է 750 մլրդ դոլար։ Մենք գտնում ենք, որ վերականգնման առանցքային աղբյուրը պետք է լինեն Ռուսաստանի ու ռուս օլիգարխների ակտիվները»,- ասել է վարչապետը։
Նրա խոսքով՝ Ռուսաստանի իշխանությունները սանձազերծել են «այս արյունալի պատերազմը, պատճառել այս լայնածավալ ավերածությունները, և իրենք պետք է պատասխանատվություն կրեն դրա համար»։
«Սառեցված ակտիվները, տարբեր գնահատականներով, տատանվում են 300-500 միլիարդ դոլարի սահմաններում։ Որոշ երկրներ արդեն սկսել են այդ ակտիվները ոչ միայն սառեցնելու, այլև բռնագրավելու գործընթացը»,- ասել է Շմիգալը։
Պաշտոնյան նաև նշել է, որ Ուկրաինայի ենթակառուցվածքներին հասված ուղիղ վնասը կազմում է 100 մլրդ դոլար։
Էմմա Չոբանյան
