19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
STEM ոլորտներին պետք է աջակցել, այլապես առաջիկայում գյուղերում ուսուցիչ չենք ունենալու․ Արտաշես Թորոսյան․ ՏԵՍԱՆՅՈՒԹ
Հասարակություն
04.07.2022 | 18:00
Մանկավարժական համալսարաններում որոշակի փոփոխություններ են տեղի ունենում, ուզում են բարելավել իրավիճակը, քանի որ ուսանողների թիվը նվազել է: Այս մասին «Կրթության ոլորտում սոցիալական արդարության վերականգնումը, կրթության հասանելիության և որակի ապահովումը» թեմայով քննարկման ընթացքում նշեց ՀՀ ԿԳՄՍՆ կրթության զարգացման և նորարարության ազգային կենտրոնի տնօրենի պաշտոնակատար Արտաշես Թորոսյանը՝ հավելելով, որ մանկավարժական բուհերի ուսանողները ոգևորված չեն իրենց ապագա աշխատանքով:
«STEM-ի խնդիրը բավականին պրոբլեմատիկ է: Օրինակ՝ «Ֆիզիկա» առարկան դասավանդող ուսուցիչը ունենում է 12 ժամ ծանրաբեռնվածություն և ստանում է մոտավորապես 40 հազար դրամ աշախատավարձ, դա նշանակում է, որ ոչ մի ուսուցիչ չի մնա դասավանդի այդ առարկաները, հատկապես գյուղերում, որտեղ ծանրաբեռնվածությունն ավելի քիչ է, այնպես որ STEM-ին պետք է աջակցել, և ոչ թե 30, այլ 100 տոկոս դոտացիա պետք է արվի, որպեսզի ֆիզիկը, քիմիկը մնան դպրոցում, այլապես գյուղերում STEM-ի ուսուցիչ չենք ունենա»,- մտահոգություն հայտնեց Թորոսյանը:
Մանրամասները՝ տեսանյութում:
«Գործընկերություն հանուն բաց հասարակության» նախաձեռնությունը և Հայաստանում Եվրոպական Միության պատվիրակության գրասենյակը քննարկում են կազմակերպել՝ «Կրթության ոլորտում սոցիալական արդարության վերականգնումը, կրթության հասանելիության և որակի ապահովումը» թեմայով։
«STEM ոլորտներին պետք է աջակցել, այլապես առաջիկայում գյուղերում ուսուցիչ չենք ունենալու»,- ասաց Արտաշես Թորոսյանը։
