08.06.2026 | 12:03
ՄԻՊ աշխատակազմը ընտրությունների օրը ստացել է 112 հեռախոսազանգ, 65 խնդիր լուծում է ստացել
Ուկրաինայի դրոշը բարձրացվել է Զմեինի կղզում
Քաղաքականություն
04.07.2022 | 17:35
Ուկրաինայի դրոշը բարձրացվել է Զմեինի կղզում։ Լուսանկարը հրապարակել է Ուկրաինայի պետական սահմանային ծառայությունը։ Ավելի վաղ այս մասին հայտնել էր «Հարավ» օպերատիվ հրամանատարության մամուլի քարտուղար Նատալյա Գումենյուկը, գրում է BBC-ի ռուսական ծառայությունը։
«Տարածքը վերադարձվել է Ուկրաինայի իրավասությանը»,- ասել է նա։
Հիշեցնենք, որ հունիսի 30-ին ռուս զինվորականները լքել են Զմեինի կղզին, որը նրանց հսկողության տակ էր պատերազմի սկզբից։ Ուկրաինայի զինված ուժերը հայտարարել են, որ ռուս զինվորականները տարհանվել են կղզուց՝ չկարողանալով դիմակայել ուկրաինական հրետակոծություններին։ Ռուսաստանի Պաշտպանության նախարարությունն իր հերթին պնդում է, թե կղզին լքել են որպես «բարի կամքի ժեստ»։
Տաթև Ֆռանգյան
