26.11.2024 | 15:53
Կովկասում կայունություն ձեռք կբերվի Ադրբեջանի և ՀՀ-ի միջև խաղաղության պայմանագրի միջոցով․ Թուրքիայի ՊՆ ղեկավար
Չավուշօղլուն հայտարարել է, որ ուկրաինական հացահատիկի խնդիրը պետք է լուծել՝ Կիևի և Մոսկվայի շահերից ելնելով
Քաղաքականություն
04.07.2022 | 18:16
Թուրքիայի ԱԳ նախարար Մևլութ Չավուշօղլուն հայտարարել է, որ Ուկրաինայից հացահատիկի արտահանման համար անվտանգ միջանցք ստեղծելու խնդիրը պետք է լուծվի՝ հարգելով ինչպես Մոսկվայի, այնպես էլ Կիևի շահերը։ «Անադոլու» գործակալության փոխանցմամբ՝ այս մասին Չավուշօղլուն ասել է թուրքական NTV հեռուստալիքի հետ զրույցում անդրադառնելով աշխարհում պարենային ճգնաժամին։
«ՄԱԿ-ի ծրագիրը համապատասխանում է ինչպես Ռուսաստանի, այնպես էլ Ուկրաինայի արտահանման շահերին։ Սակայն ուկրաինական հացահատիկի արտահանման համար անհրաժեշտ է ստեղծել անվտանգ միջանցք՝ առանց ծովային ականների վտանգի։ Այսօր աշխարհում սնունդը շատ է թանկացել։ Մենք կողմնակից ենք, որ խնդիրը լուծվի Կիևի և Մոսկվայի շահերից ելնելով»,- ասել է Չավուշօղլուն։
Նա նշել է, որ ՄԱԿ-ի ծրագիրը ոչ միայն օբյեկտիվ է, այլև իրագործելի։
Էմմա Չոբանյան
