06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Առաջարկվում է Հերհեր ՀԷԿ-ը և Արմենիկում ՓԲԸ-ն մասնավորեցնել․ նախագիծը ստացավ դրական եզրակացություն․ ՏԵՍԱՆՅՈՒԹ
Տնտեսություն
04.07.2022 | 12:59
ԱԺ Տնտեսական հարցերի հանձնաժողովի արտահերթ նիստում առաջին ընթերցմամբ քննարկվում է ««Պետական գույքի մասնավորեցման 2017-2020 թվականների ծրագրի մասին» օրենքում լրացումներ կատարելու մասին» օրենքի նախագիծը:
ՀՀ պետական գույքի կառավարման կոմիտեի նախագահ Առնակ Ավետիսյանը, ներկայացնելով նախագիծը, նշեց, որ առաջարկվում է 2017-2020 թթ. մասնավորեցման օբյեկտների ցանկում ընդգրկել պետական բաժնեմաս ունեցող «Արմենիկում» ՓԲԸ-ն և ««Հերհեր» հիդրոէլեկտրակայան» ՓԲԸ-ն:
Ավետիսյանի խոսքով՝ ««Հերհեր» հիդրոէլեկտրակայան» փակ բաժնետիրական ընկերության կողմից իրականացվող գործունեությունը չի համարվում մենաշնորհային. Հայաստանի հիդրոէլեկտրակայանների գերակշռող մասը մասնավոր է, իսկ պետության սեփականության ներքո ընկերության բաժնետոմսերը պահելու համար սահմանափակումներ չկան:
«Արմենիկում» ՓԲԸ-ի հետ կապված` ոլորտը կարգավորող օրենքները չեն արգելում համանման ծառայության մատուցումն այլ կազմակերպությունների կողմից:
Հիմնական զեկուցողն ընդգծեց՝ մասնավորեցման ցանկում ընդգրկելը ընկերությունների պետական բաժնեմասի մասնավորեցման միջոցով դրանց գործունեության արդյունավետության բարձրացման, մրցակցային միջավայրի բարելավման, երկրի ՀՆԱ-ի ձևավորման մեջ մասնավոր կապիտալի տեսակարար կշռի ավելացման, ինչպես նաև պետական գույքի մասնավորեցումից ստացված միջոցների հաշվին ՀՀ պետական և համայնքային բյուջեների եկամուտների ավելացման նպատակ է հետապնդում:
Քննարկման արդյունքում օրենքի նախագիծը ստացավ դրական եզրակացություն:
Մանրամասները՝ տեսանյութում:
