16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
Մեծ Բրիտանիայի իշխանությունները չեն բացառում երկրում ռուսական սառեցված ակտիվների փոխանցումն Ուկրաինային
Քաղաքականություն
04.07.2022 | 13:59
Մեծ Բրիտանիայի իշխանությունները դիտարկում են թագավորությունում ռուսական սառեցված ակտիվների բռնագրավման հարցը՝ Ուկրաինային փոխանցելու համար։ Այս մասին հայտնում է The Guardian-ը, որին վկայակոչում է swissinfo-ն։
Աղբյուրի փոխանցմամբ՝ Մեծ Բրիտանիայի ԱԳ նախարար Լիզ Թրասը հայտարարել է, որ Լոնդոնը մտադիր է հետևել Կանադայի օրինակին և կալանել ռուսների ակտիվները Մեծ Բրիտանիայում՝ դրանք Ուկրաինային փոխանցելու համար։
«Ես սատարում եմ այդ հայեցակարգը։ Մենք ուշադրությամբ հետևում ենք դրան։ Կանադացիները փաստացի օրենք են ընդունել, որի վրա մենք հիմա աշխատում ենք ՆԳՆ-ի ու Ֆինանսների նախարարության հետ, սակայն ես, իհարկե, համաձայն եմ այս մտքի հետ։ Մեզ ուղղակի անհրաժեշտ է մշակել հարցի բոլոր մանրամասները»,- ասել է Թրասը։
Նա նշել է, որ բրիտանական խորհրդարանին, ամենայն հավանականությամբ, անհրաժեշտ կլինի նոր օրենք ընդունել, որը թույլ կտա մտադրությունն իրագործել։ Սակայն, ըստ նախարարի, հնարավոր է՝ նույնիսկ հաջողվի առանց նոր օրենքի։
Լրատվամիջոցը հայտնում է, որ բռնագրավված միջոցները կարող են փոխանցվել կա՛մ մասնավոր անձանց վնասի փոխհատուցման տեսքով, կա՛մ Ուկրաինայի իշխանություններին։
Էմմա Չոբանյան
