04.04.2026 | 13:47
Հնդկաստանի ԱԳ նախարարը երախտագիտություն է հայտնել Արարատ Միրզոյանին՝ Իրանից իր երկրի քաղաքացիների տարհանմանն աջակցելու համար
Վրաստանի խորհրդարանը հաստատել է նախագահական ընտրությունների օրը
Քաղաքականություն
26.11.2024 | 14:27
Վրաստանի խորհրդարանը նախագահական ընտրություններ է նշանակել դեկտեմբերի 14-ին, գրում է Գրուզիա օնլայնը։
Բանաձևի նախագիծը լիագումար նիստում միաձայն հավանության է արժանացել։ Այս անգամ ընտրությունները չեն անցկացվելու համաժողովրդական քվեարկությամբ։ Խորհրդարանի նախագահ Շալվա Պապուաշվիլիի՝ դեկտեմբերի 14-ին նախագահական ընտրություններ անցկացնելու առաջարկին կողմ է քվեարկել 80 պատգամավոր, դեմ՝ զրո։ Այս դեպքում երդմնակալությունը տեղի կունենա 2024 թվականի դեկտեմբերի 29-ին։
Պետության գործող ղեկավար Սալոմե Զուրաբիշվիլիի նախագահական ժամկետը լրանում է դեկտեմբերի 16-ին։
Հավելենք, որ Վրաստանի Ազգային ժողովում հանդիպումներին մասնակցում են միայն իշխող «Վրացական երազանք» կուսակցության անդամները, ընդդիմադիր պատգամավորները բոյկոտում են խորհրդարանի աշխատանքը։
Թարգմանությունը՝ Տաթև Ֆռանգյանի
