01.10.2026 | 23:39
Արթուր Մարտիրոսյանը՝ ԱԺ աշխատակազմի ղեկավարի առաջին տեղակալ
Որևէ ամբուլատորիա չի փակվում, տարանջատվում է տնօրենի պարտականությունը․ փոխնախարար․ ՏԵՍԱՆՅՈՒԹ
26.11.2024 | 14:48
ԱԺ առողջապահության հարցերի մշտական հանձանաժողովի նիստում ընդդիմադիր պատգամավոր Արման Ղազարյանն առողջապահության փոխնախարար Արտակ Ջումայանից հետաքրքրվեց մարզերում գործող ամբուլատորիաներից օպտիմալացման ծրագրից՝ նշելով, որ այն լուրջ խնդիրներ է ստեղծելու բնակիչների համար։
Պատգամավորների մտահոգություններին արձագանքելով՝ առողջապահության փոխնախարարն ընդգծեց, որ ամբուլատորիաների օպտիմալացումը ոչ թե առաջնային բուժօգնության օղակների փակում է ենթադրում, այլ դերերի հստակեցում, կադրային ավելի արդյունավետ կառավարում։
Արտակ Ջումոյանը պնդեց, որ որևէ ամբուլատորիա չի փակվում։
«Գյուղական մի քանի ամբուլատորիա դառնում է մեկ իրավաբանական անձ, տարանջատվում է տնօրենի պարտականությունը, որն իրականացնում է տվյալ ամբուլատորիայի ընտանեկան բժիշկը, ով զուգահեռ տնօրեն է։ Իսկ տնօրենի համար սահմանվում է հատուկ պայման, թե ինչով պետք է զբաղվի, այսինքն՝ միայն վարչական, իսկ ընտանեկան բժշկին ազատում ենք այդ պարտականություններից և թողնում ենք՝ զբաղվի զուտ ընտանեկան բժշկությամբ»,- պարզաբանեց նա։
Մանրամասները՝ տեսանյութում։
