28.07.2026 | 13:04
131 ԱԹՍ է արձակվել Ուկրաինայի ուղղությամբ․ Ռուսաստանը հայտնել է երկու նավի հարվածելու մասին
«Գազպրոմը» հուլիսի 11-ից հուլիսի 21-ն ամբողջությամբ կկանգնեցնի «Հյուսիսային հոսք 1»-ով գազի մատակարարումը
Քաղաքականություն
01.07.2022 | 18:21
Ռուսական «Գազպրոմը» հուլիսի 11-ից հուլիսի 21-ն ամբողջությամբ կկանգնեցնի «Հյուսիսային հոսք 1» գազատարով գազի մատակարարումը՝ վերանորոգման նպատակով։ Այս մասին հայտնել է ընկերության օպերատոր Nord Stream AG ընկերությունը, փոխանցում է Korrespondent-ը։
Հաղորդվում է, որ գազատարի երկու ճյուղերը կանջատվեն պլանային պրոֆիլակտիկ աշխատանքների համար, ներառյալ՝ մեխանիկական բաղադրիչների և ավտոմատացման համակարգերի փորձարկումը:
Նշվում է, որ ժամանակացույցը և աշխատանքային պլանը նախապես համաձայնեցվել են Nord Stream AG-ի գործընկերների հետ։
Հունիսին «Գազպրոմը» 60 տոկոսով կրճատել է «Հյուսիսային հոսք 1»-ով գազի մատակարարումները Եվրոպա: «Թուրքական հոսքը» ևս մեկ շաբաթով կանգնեցվել է։ Միաժամանակ ,«Գազպրոմը» կարող էր օգտագործել ուկրաինական GTS-ի և «Յամալ-Եվրոպա» գազատարի ազատ հզորությունները, սակայն դա չի արել՝ սրելով գազային ճգնաժամը Եվրոպայում։
Ընդհանուր առմամբ, ավելի քան հինգուկես ամիս «Գազպրոմը» կրճատել է գազի արտահանումը գրեթե մեկ երրորդով՝ մինչև 65 միլիարդ խորանարդ մետր։
Տաթև Ֆռանգյան
