08.06.2026 | 12:24
Հայաստանի ժողովուրդը քվեարկել է խաղաղության և կայունության համար․ Անտոնիո Կոշտան շնորհավորել է Փաշինյանին
Նորվեգիան ենթարկվել է զանգվածային կիբերհարձակման
Քաղաքականություն
29.06.2022 | 21:54
Անցած 24 ժամվա ընթացքում Նորվեգիայի մի շարք հաստատություններ ենթարկվել են զանգվածային DDoS հարձակման, չորեքշաբթի հայտարարել է Նորվեգիայի անվտանգության ծառայությունը՝ NSM-ը: Այդ գործողությունների մեջ այն մեղադրում է «հանցավոր ռուսամետ խմբավորմանը»: Այս մասին, հղում անելով Reuters գործակալությանը, գրում է «Ամերիկայի ձայն»-ը։
Հարձակումները, որոնք սկսվել են գիշերվա ընթացքում, ուղղված են եղել հիմնական ծառայություններ մատուցող մասնավոր և պետական հաստատություններին, ասել է կառույցը՝ չտրամադրելով այլ մանրամասներ:
«Մենք աշխատում ենք բացահայտելու, թե արդյոք կապ կա պետական կառույցների հետ», – ավելի ուշ TV2-ին ասել է NSM-ի ղեկավար Սոֆի Նիստրոեմը: «Մենք համոզված ենք, որ ոչ մի գաղտնի տեղեկատվություն չի գողացվել»:
Չորեքշաբթի օրը խափանվել է Նորվեգիայի աշխատանքի տեսչության կայքը, և նորվեգական լրատվամիջոցները հայտնել են, որ այն եղել է հարձակման ենթարկվածների թվում։
«Վերջերս մենք տեսել ենք նմանատիպ հարձակումներ այլ երկրներում, թեև դրանցից ոչ մեկը չի հայտնել որևէ երկարաժամկետ հետևանքների մասին», – պարզաբանել է NSM-ը:
