19.12.2025 | 18:21
Ադրբեջանական բենզինը Հայաստան հասավ // ՌԴ-ն և Ուկրաինան զոհվածների մարմիններ են փոխանակել․ ԼՈՒՐԵՐ
Դոնեցկում գերի ընկած և մահապատժի դատապարտված բրիտանացին բողոքարկել է դատավճիռը
Քաղաքականություն
29.06.2022 | 15:06
Բրիտանացի Շոն Փինները, որը կռվել է Ուկրաինայի կողմից և դրա համար ինքնահռչակ Դոնեցկի հանրապետության իշխանությունների կողմից դատապարտվել է մահվան, վճռաբեկ բողոք է ներկայացրել։ Այս մասին հայտնում է BBC-ի ռուսական ծառայությունը՝ վկայակոչելով նրա փաստաբան Յուլիա Ցերկովնիկովային։
«Վճռաբեկ բողոք ենք ներկայացրել, քննարկման ժամկետը երկու ամիս է։ Եթե մերժվի, ներման միջնորդություն կգրենք։ Վստահորդը խնդրում է, ես պարտավոր եմ»,- ասել է փաստաբանը։
Հունիսի 9-ին ինքնահռչակ Դոնեցկի հանրապետության դատարանը բրիտանացիներ Շոն Փիններին և Էյդեն Ասլինին, ինչպես նաև Մարոկկոյի քաղաքացի Սաադուն Բրահիմին մեղավոր է ճանաչել «վարձկանության, իշխանությունը բռնությամբ զավթելու փորձի, ինչպես նաև ահաբեկչական գործունեության նպատակով ուսուցում անցնելու համար»։
Նրանք բոլորը կռվել են Ուկրաինայի զինված ուժերում և գերի են ընկել երկրի արևելքում։
Տաթև Ֆռանգյան
