ԱՄՆ-ը սահմանափակումներ է կիրառել 9 երկրներից ընկերությունների նկատմամբ՝ պատժամիջոցները շրջանցելու համար

Լուրեր

19.11.2026 | 11:51
Սահմանադրության փոփոխությունների հաջորդ օրը խաղաղության պայմանագիրը ստորագրվելու է. Ալեն Սիմոնյան․ ՏԵՍԱՆՅՈՒԹ
19.11.2026 | 11:39
Հաջորդ ընտրությանը չեմ լինի վարչապետի թեկնածու, եթե հանրաքվեում Սահմանադրությունն անցնի․ Փաշինյան․ ՏԵՍԱՆՅՈՒԹ
19.11.2026 | 11:39
Ուկրաինայի ԶՈՒ-ն անուղղակիորեն հայտնել է Ղրիմի կամրջի երկաթուղային հատվածի ավերվելու մասին
19.11.2026 | 11:30
Հայաստանը հրավիրվել է մասնակցելու ԱՄՆ-ում կայանալիք G20-ի գագաթնաժողովին
19.11.2026 | 11:22
Հաջորդ ամիս այցելելու եմ Ադրբեջան. Ալեն Սիմոնյան․ ՏԵՍԱՆՅՈՒԹ
19.11.2026 | 11:14
Ամփոփիչ մրցաշար. Ալկարասը և Տիաֆոն հաղթել են. ՏԵՍԱՆՅՈՒԹ
19.11.2026 | 11:11
Անհետ կորածների վերաբերյալ մեզ հետաքրքրող բազմաթիվ հարցերի պատասխաններն Ադրբեջանում են․ Փաշինյան
19.11.2026 | 11:05
Սի Ցզինպինի հետ հանդիպմանը Թրամփը բարձր է գնահատել իրենց անձնական հարաբերությունները
19.11.2026 | 11:00
Կառավարության նիստը՝ ՈՒՂԻՂ
19.11.2026 | 11:00
Արմավիր համայնքի ղեկավարը ևս դատի է տվել Իրինա Յոլյանին․ պահանջում է ԱԺ ամբիոնից հերքում և 3 մլն դրամ
19.11.2026 | 10:51
Ուկրաինան կրկին հարվածել է Ղրիմի կամրջին․ երթևեկությունը դադարեցված է
19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
19.11.2026 | 10:25
Մեկնարկել է կենսաթոշակառուների՝ անկանխիկ գործարքների դիմաց հոկտեմբեր ամսվա հետվճարների տրամադրումը
19.11.2026 | 10:10
Արտարժույթների փոխարժեքները՝ նոյեմբերի 19-ի դրությամբ
Բոլորը

Երեքշաբթի ԱՄՆ Առևտրի նախարարությունը 9 երկրներից 36 ընկերությունների ներառել է այն կազմակերպությունների ցանկում, որոնց մուտքն ԱՄՆ տեխնոլոգիաների և ապրանքների շուկա սահմանափակված է՝ միջազգային պատժամիջոցների մասին ամերիկյան օրենքները խախտելու համար, գրում է VOA-ն:

36 ընկերություններից 25-ը տեղակայված են Չինաստանում, մնացյալը՝ Ռուսաստանում, Արաբական Միացյալ Էմիրություններում, Լիտվայում, Պակիստանում, Սինգապուրում, Մեծ Բրիտանիայում, Ուզբեկստանում և Վիետնամում։

Մասնավորապես, ռուսական OOO Intertech Instruments-ը պատժվել է Իրան ապօրինի մատակարարումների համար։ Վեց ընկերություն պատժվել է ռուսական ռազմարդյունաբերական ներուժին աջակցելու համար՝ խախտելով պատժամիջոցների ռեժիմը, որն ուժի մեջ է մտել Ուկրաինա ռուսական զորքերի ներխուժումից հետո։

ԱՄՆ Առևտրի նախարարությունը հայտնել է, որ «սև ցուցակում» հայտնված չինական ընկերությունները Ռուսաստանին «անհանգստացնող ապրանքներ» են մատակարարում նախքան ներխուժումը և շարունակում են մատակարարել ռուս գործընկերներին, որոնց նկատմամբ ԱՄՆ-ը և նրա դաշնակիցները պատժամիջոցներ են կիրառել:

Երկրի առևտրի փոխնախարար Ալան Էստևեսը հայտարարություն է տարածել, որում, մասնավորապես, ասվում է. «Այսօրվա գործողությունները հզոր ուղերձ են ուղարկում կազմակերպություններին և անհատներին ամբողջ աշխարհում. եթե նրանք փորձեն օգնել Ռուսաստանին, Միացյալ Նահանգները նրանց նույնպես կպատժի»:

Ամերիկյան ընկերությունները, որոնք ցանկանում են ապրանքներ կամ ծառայություններ մատակարարել «սև ցուցակում» հայտնված անձանց, պետք է հատուկ արտոնագիր ստանան Առևտրի դեպարտամենտից:

Պաշտոնյաները նախկինում ասել են, որ Չինաստանը հիմնականում կատարում է միջազգային պատժամիջոցները, որոնք սահմանվել են Ռուսաստանի դեմ Ուկրաինա ներխուժումից հետո:

ԱՄՆ-ում Չինաստանի դեսպանատունը չի մեկնաբանել չինական ընկերություններին ուղղված մեղադրանքները, սակայն նշել է, որ Պեկինը ռազմական օգնություն չի ցուցաբերում Ռուսաստանին կամ Ուկրաինային՝ նշելով, որ «անհրաժեշտ միջոցներ» կձեռնարկվեն՝ չինական ընկերությունների իրավունքների պաշտպանության համար։

Տաթև Ֆռանգյան