16.09.2026 | 22:12
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Բայդեն-Էրդողան հանդիպում ՆԱՏՕ-ի գագաթնաժողովի շրջանակում նախատեսված չէ, սակայն չի էլ բացառվում․ Սպիտակ տուն
Քաղաքականություն
28.06.2022 | 13:28
Մադրիդում կայանալիք ՆԱՏՕ-ի գագաթնաժողովի շրջանակում ԱՄՆ-ի և Թուրքիայի նախագահներ Ջո Բայդենի ու Ռեջեփ Թայիփ Էրդողանի երկկողմ հանդիպում նախատեսված չէ, սակայն չի բացառվում, որ այն կարող է տեղի ունենալ։ Այս մասին լրագրողների հետ ճեպազրույցում հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը։
«Նախագահ Էրդողանի հետ հանդիպման հարցում այս պահին ոչինչ նախատեսված չէ, բայց նրանք, հնարավոր է, ՆԱՏՕ-ի գագաթնաժողովում միմյանց տեսնելու հնարավորություն ունենան։ Տեսնենք, թե ինչպես կզարգանա հաջորդ 24 ժամը»,- ասել է Սալիվանը։
Բացի այդ, նա նշել է, որ նախագահ Բայդենի թիմն ակտիվորեն աշխատում է Թուրքիայի, Շվեդիայի և Ֆինլանդիայի հետ ՆԱՏՕ-ին Սկանդինավյան երկրների անդամակցության հարցով, ինքն էլ ամեն օր հեռախոսազրույցներ է ունենում երեք երկրների գործընկերների հետ։
Հավելենք, որ ՆԱՏՕ-ի անդամ երկրների ղեկավարների գագաթնաժողովը տեղի է ունենալու Մադրիդում հունիսի 28-30-ը։
Էմմա Չոբանյան
