28.07.2026 | 12:53
Ադրբեջանի ԱԳՆ-ն արձագանքել է Զախարովայի՝ ԼՂ հակամարտության ու ՀԱՊԿ-ի մասին հայտարարությանը
Թուրքիան Ուկրաինային անվճար երեք Bayraktar TB2 անօդաչու կփոխանցի
Քաղաքականություն
28.06.2022 | 13:49
Թուրքական Baykar Makina ընկերությունը հայտարարել է Ուկրաինային անվճար երեք հատ Bayraktar TB2 անօդաչու թռչող սարք փոխանցելու մտադրության մասին, ինչի համար ավելի վաղ Ուկրաինայում դրամահավաք էր հայտարարվել, գրում է «Ինտերֆաքս»-ի ուկրաինական ծառայությունը։
«Գործարարներն ու հասարակ մարդիկ մեծ ու փոքր միջոցներ են ներդրել այդ նպատակին հասնելու համար մի քանի օրվա ընթացքում։ Baykar ընկերությունը չի վերցնի գումարը B2-ի համար և անվճար 3 անօդաչու թռչող սարք կուղարկի ուկրաինական ճակատ։ Միաժամանակ, խնդրում ենք, որ հավաքված միջոցներն ուղղվեն Ուկրաինայի ժողովրդին իրենց պայքարում օգնելու համար»,- ասվում է ընկերության թվիթերյան գրառման մեջ։
Հավելենք, որ ավելի վաղ ուկրաինացի հաղորդավար, հասարակական գործիչ Սերգեյ Պրիտուլան դրամահավաք էր հայտարարել թուրքական հարվածային անօդաչուների գնման համար, իսկ երկու օր անց տեղեկացրել, որ արդեն 300 մլն գրիվնա է հավաքվել, որը, իր հիմնադրամի միջոցների հետ միասին, կազմել է 366 միլիոն գրիվնա։ Այդ գումարով կարելի էր երկու նման անօդաչու թռչող սարք գնել։ Դրանից հետո Պրիտուլան հայտնել էր, որ նվիրատվությունների գումարը հասել է 600 մլն գրիվնայի, որը թույլ կտա գնել արդեն չորս անօդաչու։
Էմմա Չոբանյան
