09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Վրաստանի իշխանությունները շտապ վերանորոգում են Ռուսաստանի հետ սահմանին փլուզված ճանապարհը
Քաղաքականություն
27.06.2022 | 16:01
Վրաստանի Տարածաշրջանային զարգացման նախարարությունը սկսել է վերանորոգել Ռուսաստանի հետ սահմանին բնական աղետի հետևանքով վնասված ճանապարհը, գրում է Նովոստի Գրուզիան։
«Ճանապարհների դեպարտամենտի համապատասխան ծառայությունների ներկայացուցիչները տեղում են և ձեռնարկում են բոլոր անհրաժեշտ միջոցները՝ ճանապարհը հնարավորինս արագ վերականգնելու համար»,- հայտնում է գործակալությունը։
Հորդառատ անձրևների հետևանքով մոլեգնող Թերեք և Դևդորակի գետերը նախորդ գիշեր վնասել էին մինչև 80 մետր ճանապարհ՝ Ռուսաստանի Դաշնության և Վրաստանի միջև սահմանի չեզոք գոտում։
Առավոտյան Մցխեթա-Ստեփանծմինդա-Լարս ճանապարհի 136-րդ կիլոմետրում բոլոր տեսակի տրանսպորտի տեղաշարժն արգելված է։ Դարիալի կիրճում ստեղծված բարդ օդերևութաբանական իրավիճակի պատճառով սահմանին մաքսային հսկողության ընթացակարգերը դադարեցվել են։
Տաթև Ֆռանգյան
