25.11.2024 | 17:34
Թմրանյութը մաքսանենգ ճանապարհով ներկրել և իրացնում էին. երկու անձ կալանավորվել է
Խանդոյանի գործը կվիճարկվի ՄԻԵԴ-ում․ պաշտպան
Հասարակություն
27.06.2017 | 16:56
«Սասնա ծռերի» գործով անազատության մեջ հայտնված Արայիկ Խանդոյանի՝ Միայնակ Գայլի եղբայրը՝ Արարատ Խանդոյանը, այսօր՝ հունիսի 27-ին դատապարտվեց 3,5 տարվա ազատազրկման։ Խանդոյանի պաշտպան Արա Ղարագյոզյանը համոզված է՝ դատարանը կայացրել է քաղաքական որոշում։ Այս մասին Factor.am-ի հետ զրույցում ասաց պաշտպանը։
«Դատավճիռն ամենևին էլ իրավաչափ չէր․ թե՛ նախաքննությամբ, թե՛դատաքննությամբ չհիմնավորվեց իմ պաշտպանյալի մեղքը։ Ավելին՝ բազմաթիվ ապացույցներ կային, որոնք ապացուցեցին, որ ապօրինի ու քաղաքական որոշում է կայացրել դատարանը»,- ասաց Ղարագյոզյանը։
Պաշտպանի կարծիքով՝ Հայաստանի դատական համակարգից այլ բան պետք չէր ակնկալել:
«Քանի որ մեր դատարաններն անկախ չեն: Բայց այս գործը վիճարկվելու է ՄիԵԴ-ում ու միանալու է այն գործին, որն արդեն իսկ վարույթում է»,- ասաց Արա Ղարագյոզյանը՝ հիշեցնելով, որ իր պաշտպանյալի կալանավորման որոշումների մասով արդեն իսկ դիմել է ՄԻԵԴ։
Հիշեցնենք, որ ըստ Ա. Խանդոյանին առաջադրված մեղադրանքի՝ նա 2016 թվականի հուլիսի 20-ին Երևանում զանգվածային անկարգությունների ժամանակ քաշքշել է ոստիկանության աշխատակիցներին՝ փորձելով խլել ոստիկանական վահանը։
Սեդա Ղուկասյան
