14.09.2026 | 10:21
Ուկրաինական ԱԹՍ-ները հարձակվել են Կրասնոդարի երկրամասի վրա․ Սոչիում հինգ մարդ է վիրավորվել
Ալիևն այցելել է Քարվաճառի ու Բերձորի շրջաններ և Հայաստանի հետ սահմանին զորամաս բացել
Քաղաքականություն
27.06.2022 | 13:50
Ադրբեջանի նախագահ Իլհամ Ալիևը նախօրեին այցելել է Արցախի գրավյալ Քարվաճառի ու Բերձորի շրջաններ, գրում են ադրբեջանական լրատվամիջոցները։
Հաղորդվում է, որ Ալիևը մասնակցել է Քարվաճառում կառուցված նոր փոքր հիդրոէլեկտրակայանի, ինչպես նաև Պաշտպանության նախարարության նոր հատուկ նշանակության ուժերի զորամասի բացմանը։ Սա առաջին «կոմանդոս» զորամասն է, որը բացվել է Հայաստանի հետ սահմանին՝ գրավյալ Քարվաճառում։ Իսկ առաջին նման զորամասն ավելի վաղ բացվել էր Արցախի գրավյալ Հադրութում։
Բերձորի շրջանում Ալիևը ծանոթացել է Քարավաճառ-Լաչին ավտոմոբիլային ճանապարհի շինարարությանը, էլեկտրական ենթակայանում կատարվող աշխատանքներին։
Ալիևին ներկայացվել է տեղի ջրամբարի նախագիծը։ Նա ծանոթացել է նաև Լաչինի միջազգային օդանավակայանի շինարարությանը, ինչպես նաև Քարվաճառի գլխավոր հատակագծին։ Այնուհետև Ալիևը մի շարք կառույցների հիմնարկեքի է մասնակցել, այցելել Քավաճառում կառուցվող «Չիրագ-1» փոքր հիդրոէլեկտրակայան։ Այստեղ նրան զեկուցվել է շրջանի 5 վայրերում կառուցվող էլեկտրակայանների մասին։
Էմմա Չոբանյան
