19.05.2024 | 21:31
Երևանում անցկացվել է «One Run-First Run» միջազգային խոշորագույն կիսամարաթոնը․ ԼՈՒՍԱՆԿԱՐՆԵՐ
Կիևի վրա ՌԴ հրթիռային հարձակումը Ջո Բայդենն անվանել է բարբարոսություն
Քաղաքականություն
27.06.2022 | 13:11
Ռուսական հրթիռները խոցել են Ուկրաինայի մայրաքաղաքի կենտրոնում գտնվող բնակելի շենք ու մանկապարտեզ:
ԱՄՆ նախագահ Ջո Բայդենը բարբարոսություն է անվանել Կիևի կենտրոնում ռուսական զորքերի կողմից իրականացված հեռահար հրթիռային հարձակումը՝ կոչ անելով դաշնակիցներին «միասնաբար կանգնել» Ռուսաստանի դեմ, փոխանցում է VOA-ն։
Բավարիայի Էլմաու ամրոցում անցկացվել է G7-ի գագաթնաժողովը, որը նվիրված է ուկրաինական պատերազմին և դրա ազդեցությանը ողջ աշխարհում սննդի և էներգիայի մատակարարումների վրա։
Բավարիայի Ալպերում գագաթնաժողովը սկսվել է այն բանից հետո, երբ Մեծ Բրիտանիան, ԱՄՆ-ը, Կանադան և Ճապոնիան արգելել են ռուսական ոսկու ներմուծումը՝ Մոսկվայի վրա պատժամիջոցների ճնշումը խստացնելու և Ուկրաինա ներխուժման ֆինանսավորման աղբյուրները սահմանափակելու համար: Այս քայլին աջակցել է նաև Ֆրանսիան։
Եվրոպական խորհրդի նախագահ Շառլ Միշելը, սակայն, հայտարարել է, որ ոսկու ներկրման արգելքի հարցը պետք է լուծել զգուշորեն, այլապես հակառակ ազդեցությունը կարող է ունենալ։ Այսպիսով, դեռ պարզ չէ՝ արդյոք այս հարցում կոնսենսուս ձեռք կբերվի։
Նախագահ Բայդենը կոչ է արել դաշնակիցներին միասնական լինել՝ չնայած հատկապես էներգակիրների գնաճին:
«Պուտինն ի սկզբանե հույս ուներ, որ ՆԱՏՕ-ն և G7-ը ինչ-որ կերպ կմասնատվեն։ Բայց մենք չարեցինք և չենք պատրաստվում դա անել», – ասել է Բայդենը:
Տաթև Ֆռանգյան
