06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Վանեցյանին կարող է փոխարինել Մարտուն Գրիգորյանը․ պատժամիջոցներ՝ փոխանակման կետերի դեմ․ Լուրեր
Տեսանյութեր
21.06.2022 | 18:44
Ազգային ժողովի նախագահ Ալեն Սիմոնյանը արարողակարգային հայտարարություն է տարածել, որ ստացել է Արթուր Վանեցյանի՝ ԱԺ պատգամավորի մանդատից հրաժարվելու դիմումը։ Եթե Վանեցյանը մեկ շաբաթում հետ չվերցնի դիմումը, այն կհամարվի ընդունված, և պատգամավորի մանդատը կկասեցվի։
«Պատիվ Ունեմ» դաշինքի նախընտրական ցուցակով հաջորդ թեկնածուն Մարտուն Գրիգորյանն է, որը կարող է Վանեցյանի հեռանալուց հետո դառնալ Աժ պատգամավոր։ Ֆակտորի հետ զրույցում Գրիգորյանն ասել է, որ դեռ վաղ է պատասխանել հարցին՝ կվերցնի մանդատը, թե ոչ։
Այսօր կրկին կտրուկ նվազել է դոլարի փոխարժեքը։ Բանկերում դոլրի գնման գինը այսօր 405-410 դրամ է, վաճառքի գինը 414-420 դրամ։ Սրանք դոլարի ամենացածր փոխարժեքներն են՝ սկսած 2014 թվականից։
Կենտրոնական բանկը չարաշահումներ է բացահայտել փոխանակման կետերի կողմից։ Պարզվել է, որ փոխանակման կետերը, սկսած 2021-ի հոկտեմբերից, հակամրցակցային համաձայնություններով միասնական փոխարժեքներ են սահմանել դոլարի մեծածախ փոխանակումների համար, ինչով էլ ազդել են ընդհանուր փոխարժեքի վրա։ ԿԲ որոշումներով՝ փոխանակման կետերի նկատմամբ կիրառվել են պատասխանատվության միջոցներ՝ նախազգուշացման, տուգանքի և լիցենզիայի գործողության ժամանակավոր կասեցման տեսքով։
Այս ժամի լուրերը՝ տեսանյութում։
