29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Պուտինը սխալվե՛ց Ղարաբաղյան պատերազմում՝ Էրդողանին բերեց․ հիմա «կրծում են արմունկները»․ Դավիթ Հովհաննիսյան․ ՏԵՍԱՆՅՈՒԹ
Քաղաքականություն
17.06.2022 | 21:02
Ի՞նչն է այսօր միավորում Ռուսաստանին ու Թուրքիային, երբ նրանց ռազմավարական շահերը հակասում են գլոբալ մեծ քաղաքականությունում։ Արտակարգ և լիազոր դեսպան, արևելագետ Դավիթ Հովհաննիսյանը Factor TV-ի հետ հարցազրույցում միանշանակ պատասխան է տալիս՝ ընդհանուր շահն է միավորողը։
«Ամեն մեկը դա իր ձևով է հասկանում։ Ես կարծում եմ, որ ՌԴ-ի ղեկավարությունը հիմա իր «արմունկները կրծում է»։ Դժվար գործ է, բայց հիմա փորձում են դա անել։ Սխալվել են գնահատականների մեջ։ Ղարաբաղյան պատերազմում սխալվել են՝ կարծելով, որ Էրդողանն այնտեղ գործ չունի անելու, բայց պարզվեց, որ հսկայական գործ ունի անելու։ Հասկանալի է, չէ՞, թե որն էր սցենարը՝ պատերազմը սկսվում է, ռուսները տվել են «օքեյը», Ադրբեջանը հարձակվում է, սրանք օդը չեն փակում, այնտեղից խփում են, մեկ, երկու, չորս շրջան «ազատագրում են», վերջանում է։ Բայց մի բան այնպես չէր՝ Էրդողանը մտավ խաղի մեջ և ամեն ինչ փոխվեց։ Այնպես փոխվեց իրավիճակը, որ ստիպված եղան ծայրահեղ միջոցների գնալ, և պատահական ուղղաթիռ խփվեց։ Կարծում եմ, որ ռազմավարական առումով Թուրքիայի և Ռուսաստանի շահերը խիստ հակասական են, բայց պերիֆերիկ համաձայնությունների համար այնտեղ պարարտ հող կա՝ կարելի է աշխատել, օրինակ՝ Սիրիայի կամ Լիբիայի հետ կապված»,- կարծում է Դավիթ Հովհաննիսյանը։
Հարցազրույցն ամբողջությամբ՝ տեսանյութում։
Ռոբերտ Անանյան
