01.11.2024 | 23:19
Հրդեհ Գյումրու տներից մեկում
Միլիարդներ չենք տվել, որովհետև աշխատանքը չի ավարտվել․ Սանոսյանը՝ Տաթև-Աղվանի ճանապարհի որակի մասին․ ՏԵՍԱՆՅՈՒԹ
Տնտեսություն
15.06.2022 | 17:32
«Ինչո՞ւ է նոր հիմնանորոգված Տաթև-Աղվան ճանապարհի ասֆալտը գրեթե ամբողջությամբ քանդվել դարձել ոչ երթևեկելի»,- ԱԺ- Կառավարություն հարցուպատասխանի ժամանակ այս հարցը Տարածքային կառավարման և ենթակառուցվածքների նախարար Գնել Սանոսյանին ուղղեց «Քաղաքացիական պայմանագիր» խմբակցության» պատգամավոր Արմեն Խաչատրյանը։
«Չգիտեմ՝ ինչու է տպավորություն, որ էս երկրում ամենաքիչը Տարածքային կառավարման նախարարությունն ու շինարարներն են ուզում, որ ճանապարհները որակով լինեն։ Անընդհատ այսպիսի տպավորություն կա։ Դա ամենևին այդպես չէ։ Այս երկրում ճանապարհի երկու գլխավոր պատասխանատու կա. մեկը պատվիրատուն է՝ ի դեմս պետության, մեկը՝ շինարարները»,- նշեց նախարարը՝ հավելելով, որ Տաթև-Աղվանի ճանապարհի հետ կապված բազմաթիվ օբյեկտիվ խնդիրներ կան, որոնցից մեկը բարդ ռելիեֆն է։
«Այդ հատվածներից մեկը նախատեսված չի եղել ծանր բեռնատարների համար, մյուս երկու կտորները կառուցվել են տրանսպորտային երթևեկությանը զուգահեռ։ Այդ ամբողջը հասկանալով՝ աշխատանքներն ավարտական տեսքի չեն բերվել, վերջին տեսքը չի տեղադրվել, դրանց համար ընկերությունները չեն վճարվել։ Լրատվամիջոցներում ինչ-որ միլիարդների մասին են խոսում։ Միլիարդներ տվողը մենք ենք, մենք չենք տվել, որովհետև աշխատանքը չի կատարվել»,- նշեց Սանոսյանը՝ վստահեցնելով՝ հիմա թերությունները վերացնելով՝ առաջ ենք գնում։
Մանրամասները՝ տեսանյութում:
