18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ուսումնավարժանք՝ նավթամթերքի պահեստում․ ԼՈւՍԱՆԿԱՐՆԵՐ
14.06.2022 | 22:51
«Հրդեհաշիջման, տարահանման աշխատանքների կազմակերպումը և իրականացումը նավթամթերքի պահեստում բռնկված հրդեհի դեպքում» թեմայով հատուկ տակտիկական ուսումնավարժություն է անցկացվել «ՍԻՓԻԷՍ ՕԻԼ» ԱՁ նավթամթերքի պահեստում: Վարժանքն իրականացվել է Կոտայքի մարզային փրկարարական վաչության Աբովյանի թիվ 45 հրշեջ-փրկարարական ջոկատի կողմից:
Սցենարի համաձայն՝ հրդեհ է բռնկվել նավթամթերքի պահեստում: Ահազանգից անմիջապես հետո՝ Աբովյանի թիվ 45 հրշեջ-փրկարարական ջոկատից դեպքի վայր է մեկնում 2 մարտական հաշվարկ, իրականացվում է հետախուզում՝ վտանգի առկայությունը, հրդեհի տեղն ու չափերը, կրակի տարածման ուղիները և այլ մանրամասներ պարզելու համար: Հրդեհը մարվում է փրփրային գրոհի միջոցով:
Ուսումնավարժության նպատակն էր զարգացնել հրդեհների ժամանակ ուժերի ու միջոցների ղեկավարման ունակությունները, կատարելագործել ՀՓՋ-ի անձնակազմի գործնական ունակությունները հրդեհաշիջման, տարահանման աշխատանքների կազմակերպման և իրականացման ուղղությամբ:
Ուսումնավարժության ավարտին ամփոփվել են արդյունքները, հայտնաբերված թերությունների վերաբերյալ տրվել են կարգադրություններ և ցուցումներ:
