19.04.2026 | 20:30
ՃՏՊ Երևան-Մեղրի ավտոճանապարհին․ կան տուժածներ և զոհ
ՀՀ-ն կմիանա ԱՊՀ Ռազմական նշանակության արբանյակային կապի համաձայնագրին․ ՏԵՍԱՆՅՈՒԹ
Քաղաքականություն
14.06.2022 | 14:00
«Ռազմական նշանակության արբանյակային կապի համակարգերի օգտագործման և դրանց հետագա կատարելագործման մասին» համաձայնագիրը վավերացնելու մասին» ՀՀ օրենքի նախագծի համաձայն՝ Հայաստանի Հանրապետությունը միանում է ՌԴ-ում 2018 թ. հունիսի 6-ին ԱՊՀ մասնակից պետությունների խորհրդի նիստի ընթացքում ստորագրված ռազմական նշանակության արբանյակային կապի համակարգերի միասնական օգտագործման նախաձեռնությանը: Ազգային ժողովում ներկայացնելով նախագիծը՝ այս մասին ընդգծեց ՀՀ պաշտպանության փոխնախարար Արման Սարգսյանը:
Նրա խոսքով՝ համաձայնագրի նպատակն է ՌԴ ռազմական նշանակության արբանյակային կապի համակարգերի հիման վրա ձևավորել ԱՊՀ մասնակից պետությունների ռազմական նշանակության արբանյակային կապի ինտեգրված համակարգ:
Ռուսաստանի Դաշնության ռազմական նշանակության գործող տիեզերական սարքերի ռետրանսլյատորների թողունակության ռեսուրսը համաձայնագրով տրամադրվում է կողմերին՝ ելնելով համաձայնագրի մասնակից պետությունների ԶՈւ կառավարման և նրանց ԶՈւ ռազմական կառավարման մարմինների փոխգործակցության կապերի կազմակերպման շահերից:
ՀՀ պաշտպանության նախարարի տեղակալ Արման Սարգսյանի տեղեկացմամբ՝ համաձայնագրին Հայաստանը միացել է վերապահումով, ըստ որի՝ ՀՀ-ն առանձին որոշում կկայացնի համաձայնագրի դրույթների տարածման վերաբերյալ այն պետությունների նկատմամբ, որոնք կմիանան համաձայնագրին:
Մանրամասները՝ տեսանյութում:
