06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ընդամենը 152 մլն դրամի շեղման մասին է խոսքը․ Ջանջուղազյանը վրդովվեց․ ՏԵՍԱՆՅՈՒԹ
Տնտեսություն
10.06.2022 | 11:47
ԱԺ Ֆինանսավարկային և բյուջետային ու Առողջապահության հարցերի մշտական հանձնաժողովների համատեղ նիստում քննարկվում է կորոնավիրուսային համավարակի ընթացքում առողջապահության ծախսերի արդյունավետության վերաբերյալ հաշվեքննիչ պալատի զեկույցը։
Առողջապահության նախարար Անահիտ Ավանեսյանը նշեց, որ Հայաստանն այն առաջին երկրներից էր, ով համավարակի պայքարի համար ստեղծեց նաև կառուցակարգեր։
Նախարարը դժգոհեց․ «Ինչպե՞ս կարող է Հաշվեքննիչ պալատը հաշվեքննություն իրականացել արդյունավետության վերաբերյալ, եթե բացարձակ անդրադարձ չի կատարել պլաններին»։
Հաշվեքննիչ պալատի նախագահ Ատոմ Ջանջուղազյանը հորդորեց գործընկերներին պալատի արձանագրությանը չվերաբերվել իբրև հակառակորդի արձանագրում։
Նա հարցադրում արեց․ «Ռազմավարական պլան ունեցե՞լ ենք համաճարակներին հակազդելու, թե՞ ոչ. եկեք հստակեցնենք»։
Անդրադառնալով «Քաղաքացիական պայմանագիր» խմբակցության պատգամավոր Գևորգ Պապոյանի հարցադրմանը, թե արդյոք Հաշվեքննիչ պալատը մի լավ բան չի տեսել կորոնավիրուսի դեմ պայքարին ուղղված աշխատանքներում, Ջանջուղազյանը պատասխանեց. «Լավ բաները շատ են… Ընդամենը 152 միլիոն դրամի շեղման մասին է խոսքը՝ միայն այն գործոնով պայմանավորված, որ բավարար վերահսկողություն չի իրականացվել… Դա շատ փոքր թիվ է 26,5 միլիարդ դրամի մեջ, բայց համակարգային խնդիր է, այդպիսի բացթողում չպետք է լինի»:
Մանրամասները՝ տեսանյութում։
